अर्थतन्त्र

उतार चढावबीच साताकाे दाेस्राे दिन पनि बढ्याे नेप्से, सात अर्ब बराबरकाे शेयर किनबेच

काठमाडौं । नेपाल स्टक एक्स्चेञ्ज(नेप्से) साताकाे दोस्रो दिन आज सामान्य अंकले बढेकाे छ । 

साेमबार नेप्से १९.४३ विन्दुले बढेर २७८४.९५ विन्दुमा पुगेको छ । आइतबारकाे तुलनामा सोमबार कारोबार रकममा पनि सामान्य सुधार देखिएको छ । हिजाे ७ अर्ब १० करोड १८ लाख बराबरको कारोबार भएको थियो आज ७ अर्ब १२ करोड ३४ लाख रुपैयाँ बराबरको कारोबार भएको छ । 

यस दिन मध्य भोटेकोशी जलविद्युत कम्पनी, युनियन हाइड्रोपावर र कर्पोरेट डेभलपमेन्ट बैंकको शेयरमूल्य उच्च अंकले बढेकाे छ भने प्रभु सेलेक्ट फण्डको इकाईमूल्य, चन्द्रागिरी हिल्स, कुमारी बैंक, नेपाल बङ्गलादेश बैंक, सेञ्चुरी कमर्सियल बैंकलगायतकाे मूल्य घटेको छ ।

सोमबार गोर्खाज फाइनान्सको सबैभन्दा धेरै २२ करोड ७४ लाख बराबरको करोबार भएको छ ।

यसदिन शेयर बजार निक्कै उतार चढाव देखियाे ।

गाउँ सहर संवाददाता

तपाईँको मत