स्वास्थ्य

आज पुष्टि भएका संक्रमित काठमाडौं उपत्यकामै आधाभन्दा बढि

• गाउँ सहर संवाददाता
• २५ पौष आइतबार, २०७८ | १६:५९:०० मा प्रकाशित

काठमाडाें । मुलुकभर आज (आइतबार) १ हजार १ सय ६७ जनामा कोरोना संक्रमण पुष्टि भएको छ । पछिल्लाे समय एकैदिन यति धेरै संख्यामा काेराेना संक्रमित थपिएका हुन् । थपिएका संक्रमित काठमाडाैं उपत्यकामा मात्रै आधाभन्दा बढि छन् । 

पछिल्लो २४ घण्टामा गरिएको ८ हजार ८ सय ४८ पीसीआर परिक्षणका क्रममा ८ सय ४१ जना र ३ हजार ७ सय ८४ एन्टीजेन परिक्षणका क्रममा ३ सय २६ जनामा कोरोना संक्रमण पुष्टि हो ।

काठमाडौं उपत्यकामा थपिए ६१५ जना कोरोना संक्रमित

पछिल्लो २४ घण्टामा काठमाडौँ उपत्यकामा थप ६१५ जनामा कोरोना पुष्टि भएको छ ।

स्वास्थ्य मन्त्रालयका अनुसार काठमाडौँमा ४९१, भक्तपुरमा २५ र ललितपुरमा ९९ संक्रमित थपिएका हुन् ।

यस्तै गत २४ घण्टामा देशभर दुई जनाको मृत्यु भएको छ ।

यस्तै २२४ जना संक्रमणमुक्त भएको स्वास्थ्य मन्त्रालयले जनाएको छ । मन्त्रालयका अनुसार हाल देशभर ६ हजार ७५५ सक्रिय संक्रमित छन् ।

गत २४ घण्टामा ८ हजार ८४८ पीसीआर तथा  ३ हजार ७८४ एन्टिजेन परीक्षण भएको छ ।

हालसम्म नेपालमा ११ हजार ६ सय ४ जनाले कोरोनाका कारण ज्यान गुमाएका छन् ।

त्यस्तै थप २ सय २४ संक्रमित निको भएसँगै हालसम्म नेपालमा ८ लाख १४ हजार २ सय ३० जना निको भएका छन् भने ६ हजार ७ सय ५५ सक्रिय संक्रमित आइसोलेसनमा छन् ।