राजनीति

माओवादीको आज उम्मेदवारहरुको मनोनयन पत्र दर्ता सूची प्रकाशन गर्ने र भोलि मतदान

काठमाडाैं । नेकपा (माओवादी केन्द्र)को नयाँ नेतृत्व चयनका लागि निर्वाचन प्रक्रिया सुरु भएको छ ।

पार्टीको आठौँ राष्ट्रिय महाधिवेशनअन्तर्गत शनिबारको बन्दसत्रबाट विधान मस्यौदा पारित भएसँगै माओवादी केन्द्रको निर्वाचन प्रक्रिया सुरु भएको हो ।

नेकपा माओवादी केन्द्रको केन्द्रीय निर्वाचन आयोगले निर्वाचन कार्यक्रम सार्वजनिक गरेको छ । समितिका अध्यक्ष विष्णुपुकार श्रेष्ठले निकालेको तालिकाअनुसार उम्मेदवारी दर्ता शनिबार राति ८ बजेदेखि साढे १० बजेसम्म तोकिएको छ । मतदान भने आइतबार बिहान साढे ११ बजेदेखि ४ बजेसम्म हुने तालिकामा उल्लेख छ ।

माओवादीको विधानअनुसार महाधिवेशन प्रतिनिधिहरुले २९९ सदस्यीय केन्द्रीय कमिटी निर्वाचित गर्नेछ । उक्त निर्वाचित कमिटीले अध्यक्षसहित १५ सदस्यीय पदाधिकारी निर्वाचित गर्ने छ ।

शनिबारको बन्दसत्रबाट विधान मस्यौदा पारित भएसँगै माओवादी केन्द्रको निर्वाचन प्रक्रिया सुरु भएको हो । 

निर्वाचन समितिले १ हजार ७४२ जनाको नामावली सार्वजनिक गरेको छ ।

सार्वजनिक नाम अनसार माओवादी महाधिवेशन आयोजक समितिमा १८५, केन्द्रीय सल्लाहकार १४८, जेष्ठ कम्युनिष्ट मञ्चबाट ११६ जना रहेका छन् ।

यस्तै विभिन्न आयोगहरु निर्वाचनबाट २२, लेखाबाट, १४, अनुशासनबाट १६ जना रहेका छन् ।

यसैगरी केन्द्रीय प्रतिनिधि ३७, विभागबाट ९५, प्रदेश नम्बर १ बा ११२, प्रदेश नम्बर २ बाट १३२, बागमती प्रदेशबाट १३३, गण्डकी प्रदेशबाट ७८ र कर्णाली प्रदेशबाट ९३ रहेका छन् ।

यसैग्री लुम्बिनीबाट ११२, सुदूरपश्चिमबाट ८८, सम्पर्क समन्वयबाट ५०, उपत्यका विशेष प्रदेशबाट ४६, प्रवाशबाट ३९, पूर्व पीएलएबाट ४८, पार्टी एकताबाट आएका ३० र मनोनित १४८ जना मतदाता रहेका छन् ।

गाउँ सहर संवाददाता

तपाईँको मत