गाउँ सहर

झुण्डिएको अवस्थामा दुई जना फेला

• गाउँ सहर संवाददाता
• १२ पौष सोमबार, २०७८ | १०:३४:०० मा प्रकाशित

कैलाली । एक किशोर र किशोरी मृत अवस्थामा फेला परेका छन् । कैलालीमा एक किशोर र किशोरी मृत फेला परेका हुन् । जिल्लाको गौरीगंगा नगरपालिका ३ जुनेली शिविरकी १६ वर्षीया सञ्जु चौधरी र सोही ठाउँका १९ वर्षीय मायाराम चौधरी झुण्डिएको अवस्थामा मृत फेला परेकाे प्रहरीले जनाएकाे छ । 

आइतबार राति सञ्जु आफ्नै घरमा झुण्डिएको अवस्थामा मृत फेला परेकी र मायाराम घरभन्दा दुई सय मिटर टाढा रहेको वनको रुखमा झुण्डिएको अवस्थामा मृत फेला परेको जिल्ला प्रहरी कार्यालय कैलालीले जानकारि दिएकाे छ । कार्यालयका प्रवक्ता प्रहरी नायब उपरीक्षक वेदप्रकाश जोशीका अनुसार सञ्जुको मृत्युको १५ मिनेटपछि मायारामले पनि आत्महत्या गरेको पाइएको छ ।

दुवैको मृत्यु एक अर्कासँग जोडिएको छ वा छैन भन्नेबारे अनुसन्धान गरिरहेको प्रहरीले बताएकाे छ ।