पूर्वाधार

रामेछापकाे दिमीपोखरीमा खानेपानी याेजनाले गति लियाे

• गाउँ सहर संवाददाता
• ११ पौष आइतबार, २०७८ | ११:२३:०० मा प्रकाशित

रामेछाप । रामेछापकाे सुनापति गाउँपालिका-२, साबिक दिमीपोखरीमा खानेपानी याेजना कार्याम्भ भएकाे छ ।

राम्चे-मानपुर-आलाम्पुर-जाँतेसम्मको खानेपानी याेजना खानेपानी तथा सरसफाइ डिभिजन कार्यालय मन्थली रामेछापद्वारा सञ्चालित फलाँटे गैँरा खानेपानी पहिलो खण्डकाे उद्घघाटन तथा दोस्रो खण्डकाे शिलान्यास गरिएकाे छ । 

नेपाली कांग्रेस बाग्मती प्रदेश सदस्य  तथा गत निर्वाचनका प्रदेशसभा सदस्यका उम्मेद्वार जीतबहादुर मगरको प्रमुख आतिथ्यतामा कार्यक्रम भएकाे विद्यार्थी नेता चन्द्रबहादुर मगरले जानकारी दिए । 

'एक घर, एक धारा' भन्ने मुल नाराकासाथ फलाँटे गैँरा खानेपानी तथा सरसफाइ उपभोक्ता समितिका सभापति बेनबहादुर थापा मगरको सभापतित्वमा पहिलाे खण्ड उद्घाटन तथा दोस्रो खण्ड शिलान्यास भएकाे हाे ।

साथै, साेही अवसरमा दिमीपोखरी नेपाली कांग्रेस गाउँ कार्यसमितिको वडा कार्यालय पनि उद्घाटन गरिएकाे छ । 

पार्टी कार्यालय उद्घाटन गर्दै नेपाली कांग्रेस वागमति प्रदेश सभा सदस्य जीतबहादुर मगरले अब कांग्रेसकै नेतृत्वमा विकास, र समृद्धि हुने बताउँदै कांग्रेस लोकतान्त्रिक पार्टी भएकाले वडा तहदेखि मुलुकका संकट समाधानका लागि अब लोततन्त्रवादी शक्तिले सक्ने हुँदा अब गाउँगाउँबाट जनता कांग्रसको जनलहर लिएर अघि बढ्ने बताए ।