कांग्रेसको १४औँ महाधिवेशनबाट निर्वाचित केन्द्रीय समितिको पहिलो बैठक सुरु
- गाउँ सहर संवाददाता
- १० पौष शनिबार, २०७८ | १४:२६:०० मा प्रकाशित

काठमाडाैं । नेपाली कांग्रेसको १४औँ महाधिवेशनबाट निर्वाचित केन्द्रीय समितिको पहिलो बैठक पार्टी कार्यालय सानेपामा सुरु भएको छ ।
कांग्रेसको १४ औँ केन्द्रीय महाधिवेशनबाट नवनिर्वाचित कार्यसमितिको बैठकमा आगामी कार्यक्रमको विषयमा एजेन्डा तय गर्न छलफल हुने बताइएकाे छ ।
आगामी निर्वाचनका लागि दल दर्ताको समयसीमा आइतबार सम्पन्न हुँदैछ । यी लगायत कांग्रेस केन्द्रीय कार्यसमिति बैठकमा समसामयिक राजनीतिक विषयमा छलफल हुने जनाइएको छ ।
१४ औँ महाधिवेशन सम्पन्न भएपछि पहिलो पटक केन्द्रीइ कार्यसमितिको बैठक बसेको हो ।
प्रमाणपत्र वितरणपछि केन्द्रीय समितिको बैठक सुरु भएको हो । कांग्रेसमा १३ पदाधिकारीसहित १३४ सदस्यीय केन्द्रीय समिति निर्वाचित भएर बनेको छ । त्यस्तै निर्वाचित एक केन्द्रीय सदस्यलाई सभापतिले कोषाध्यक्ष बनाउने वैधानिक प्रावधान छ । त्यस्तै ३३ जना सदस्य मनोनीत पनि सभापतिले गर्ने व्यवस्था छ ।
यसअघि नेपाली कांग्रेसको १४औँ महाधिवेशबाट निर्वाचित सभापतिसहितका पदाधिकारी र सदस्यलाई निर्वाचित भएको प्रमाणपत्र प्रदान गरिएको छ । पार्टी सभापति एवं प्रधानमन्त्री शेरबहादुर देउवासहितका पदाधिकारी र सदस्यलाई पार्टी केन्द्रीय कार्यालय सानेपामा आज आयोजित समारोहमा पार्टीको केन्द्रीय निर्वाचन समितिका संयोजक वरिष्ठ अधिवक्ता गोपालकृष्ण घिमिरेले महाधिवेशनबाट निर्वाचित भएको प्रमाणपत्र प्रदान गरे ।
पदाधिकारी र सदस्यलाई प्रमाणपत्र प्रदान गरिएसँगै नेपाली कांग्रेसको १४औँ महाधिवेशन औपचारिकरुपमा समापन भएको छ । मुलुकको प्राकृतिक परिवर्तनका लागि विभिन्न कालखण्डमा नेतृत्वदायी भूमिका खेल्दै आएको नेपाली कांग्रेस मुलुकको सबैभन्दा ठूलो लोकतान्त्रिक पार्टी हो ।

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- यस्ताे छ मुलुककाे ११ महिनाकाे स्वास्थ्य अवस्था
- स्थिर रहेकाे नेप्से परिसूचकमा घट्याे काराेबार रकम
- रसुवा बाढीमा परि ३ प्रहरी र ६ चिनियाँ नागरिकसहित १८ जना सम्पर्कविहीन
- भोटेकोशीकाे बाढीले रसुवागढी नाकामा मानवीय क्षतीसँगै मितेरी पुल, गाडी बगायाे
- २७ सय विन्दुबाट घट्यो नेप्से परिसूचक, कारोबार रकम ८ अर्ब ३७ करोड
- यी हुन् कुलिङ पिरियडमा भएको बदमासी छानबिन गर्ने विशेष समितिका ७ सदस्यहरुको नाम
- प्रतिनिधिसभामा रास्वपा र राप्रपाको विरोधबीच संसद सुचार (LIVE)
- डाक्टरहरूको आन्दोलनले बिरामीले उपचार पाएनन्
- महानगरकाे बजेट समयमा नआएकाेबारे उपप्रमुख डंगाेलकाे यस्ताे प्रष्टिकरण
- त्रिवि क्रिकेट मैदानमा कुर्सी राख्न थालियो
प्रतिकृया दिनुहोस