घलेगाउँमा ‘घरबास’ — उपयुक्त समय, जाने होइन ?

विशेष

घलेगाउँमा ‘घरबास’ — उपयुक्त समय, जाने होइन ?

गाउँ सहर संवाददाता
१० पौष शनिबार, २०७८ | ०९:०९:०० मा प्रकाशित

लमजुङ्ग, घलेगाउँ । ग्रामीण पर्यटन र पर्यटककाे उपयुक्त गन्तब्य हाे - लमजुङ्गकाे, घलेगाउँ । विसं २०५७ सालदेखि विधिवत पर्यटन यात्रा सुरू गरेकाे घलेगाउँ ०७८ सम्म आइपुग्दा अब्बल ग्रामीण पर्यटनको आधार बन्न पुगेको छ । सार्क राष्ट्रको नमूना गाउँको रूपमा समेत परिचित यो गाउँ समुन्द्री सतहदेखि २ हजार एक सय मिटर उचाइमा रहेको छ ।

अन्नपूर्ण संरक्षण क्षेत्रमा पर्ने घलेगाउँ करिब छ सय वर्ष पुरानो मानव बस्ती हो । लमजुङको यस घलेगाउँ नमूना पर्यटन गन्तव्य बनिसकेको छ । यो गाउँ हाल क्होंलासोथर गाउँपालिका–३ मा अवस्थित छ जहाँ गुरुङ समुदायको अत्यधिक बसोबास भएको गाउँ हो ।

परम्परागत गुरुङ संस्कृति, घांटु, सोरठी, सेर्गा नाच यस गाउँको प्रमुख विशेषता हो ।

नमुना चिया वगान, प्रांगारिक खेती, परम्परागत गुरुङ सङ्ग्रहालय, हिमाली दृष्यावलोकन, सुधारिएको होमस्टे आदिका लागि प्रख्यात छ याे गाउँ । घलेगाउँको प्रमुख आयस्राेत नै पर्यटन व्यवसाय हो । घरबास बाटै महिनाकाे नकमाउँदा पनि ३० हजार बढी एक परिवारले कमाएका छन् । हिमालको काखमा रहेको घलेगाउँबाट माछापुच्छ्रे, अन्नपूर्ण, लमजुङ, हिमालचुली, मनासलु, गणेश लगायतका हिमश्रृङ्खलाहरू अवलोकन गर्न सकिन्छ ।

याे सबैकाे श्रेयका पात्र हुन् प्रेम घले, जसकाे परिकल्पना र याेजनाले याे स्थान आज प्राप्त गरेकाे छ । संस्थापक घले भन्छन्- "घरबास त छँदैछ, अब हामी नयाँ पर्यटनमार्फत देश तथा विदेशकाे आकर्षक गन्तब्य बन्दैछाैँ ।"

तस्बिरहरू आफैँ बाेल्छन्ः