अर्थतन्त्र

शुक्रबारदेखि ५०० दरका नयाँ नोट बजारमा, दृष्टिविहिनहरुले पहिचान गर्न सक्ने

काठमाडाैं । शुक्रबा देखि ५०० दरका नयाँ नोट बजारमा आएको छ । उक्त नाेटमा नेपाल राष्ट्र बैंकका गभर्नर महाप्रसाद अधिकारीको हस्ताक्षर रहेकाे छ । आजदेखि ५०० दरका नयाँ नोट चलनचल्तीमा आएको छ ।

नेपाल राष्ट्र बैंक, मुद्रा व्यवस्थापन विभागका अनुसार रु ५०० दरका पुरानै आकार तथा रंगमा, सङ्केत नं ६/३८ ०००००१ देखि झ/४२ ९९९९९९ सम्म नोट चलनचल्तीमा आएका हुन् ।

३.५ मि.मी चौडा रहने नोटको अन्य डिजाइन तथा अक्षरहरु पुरानै जस्तै रहने बैंकले जनाएको छ । 

सगरमाथा हिमालको दायाँतर्फ अण्डाकारभित्र रङ्ग परिवर्तन हुने कुबेरको चित्र रहने बैंकले विज्ञप्ति मार्फत जनाएकाे छ ।

नयाँ नोटमा बाँयातर्फ सगरमाथाको चित्र र दायाँतर्फ लागिगुँरासको पानी छाप रहेको छ । राष्ट्र बैंकका गभर्नर महाप्रसाद अधिकारीको हस्ताक्षर रहेको उक्त नोटको तल्लो भागको तल्लो भागको बोर्डरमा नोटको सिरियल नम्बर नेपालीमा विं सं. २०७७ लेखिएको छ । 

लालिगुँरासको पानी छापको बाँयातर्फ फरक क्षमता भएका दृष्टिविहिनहरुले स्पर्श गरेर नोटको दर पहिचान गर्नका लागि दुई वटा कालो थोप्लोहरु राखिएका छन् । 

 

गाउँ सहर संवाददाता