गाउँ सहर

सडक दुर्घटनामा दुई जनाको मृत्यु

कास्की । सडक दुर्घटनामा दुई जनाको ज्यान गएकाे छ । कास्कीको अन्नपूर्ण गाउँपालिका नौ डाँडामा गएराती भएको सवारी दुर्घटनामा दुई जनाको ज्यान गएकाे हो ।  बिहीबार राती नौडाँडाबाट काँडेतर्फ जाँदै गरेको ग २१ प ४४६० नम्बरको स्कुटर रोकिराखेको ट्रकमा ठोक्किँदा उक्त घटना भएकाे थियाे ।  

दुर्घटनामा परी ज्यान गुमाउनेमा अन्नपूर्ण गाउँपालिका १ नौडाँडाका ३० वर्षीय कृष्ण सुवेदी र २८ वर्षीय सुनिल केसी रहेकाे जिल्ला प्रहरी कार्यलय कास्कीका डिएसपी सुन्दर तिवारीले जानकारी दिएका छन् ।

डिएसपी तिवारीका अनुसार मृतक सुवेदीले चलाएको स्कुटर गएराती १२ बजे ट्रकमा ठोक्किदा स्कुटरमा सवार दुइ जना गम्भिर घाइते भएका थिए ।  त्यस लगत्तै उनीहरुको उद्धार गरी पोखरा स्वास्थ्य विज्ञान प्रतिष्ठानमा उपचारका लागि पुर्याइएकामा चिकित्सकले मृत घोषित गरेको डिएसपी तिवारीले बताएका छन् ।

मृतकको शव पश्चिमाञ्चल क्षेत्रीय अस्पतालमा पोष्टमार्टमका लागि राखिएको प्रहरीले जनाएकाे छ ।

दुर्घटनाका सम्बन्धमा थप अनुसन्धान भइरहेको जिल्ला प्रहरी कार्यालय कास्कीले बताएको छ ।

गाउँ सहर संवाददाता