राजनीति

कांग्रेस खुला सदस्य मतगणना : खुलातर्फ ३५ जनामा काे-काे अगाडी ? (मत परिणामसहित)

काठमाडाैं । नेपाली कांग्रेसको १४औं महाधिवेशनअन्तर्गत भएको निर्वाचनमध्ये शनिबारदेखि केन्द्रीय सदस्य (खुलातर्फ ३५ जना) को मतगणना जारी छ । मतगणना बिहान १० बजदेखि पार्टी केन्द्रीय कार्यालय सानेपामा भइरहेको हो । विभिन्न १२ वटा समूहमा मतगणना भइरहेको र हालसम्म करिब ११ सय मतगणना भएको कांग्रेस केन्द्रीय निर्वाचन समितिले जनाएको छ । 

  • शशांक कोइराला-८८२
  • बालकृष्ण खाँण-७९७
  • उदयशमशेर राणा -७५१
  • रमेश लेखक-७०३
  • दिलेन्द्रप्रसाद बडु-६८५
  • बलबहादुर केसी-६९८
  • मोहनबहादुर बस्नेत -६९१
  • ज्ञानेन्द्रबहादुर कार्की-६७८
  • गोपालमान श्रेष्ठ -६५७
  • एनपी साउद-६१३
  • दिनेश कोइराला -६१३
  • रामशरण महत-६०९
  • अर्जुननरसिङ केसी- ६०२
  • गुरु बराल-६०१
  • सुनिलबहादुर थापा-६००
  • कुन्दनराज काफ्ले-५९९
  • गणेश लामा-५८९
  • जिपछिरिङ लामा-५८८
  • रामहरि खतिवडा-५७८
  • गोविन्द भट्टराई -५६६
  • नैनसिंह महर-५१४
  • जीतजङ्ग बस्नेत-५१३
  • सुरेन्द्रराज पाण्डे-५०१
  • तारणीदत्त चटौत-४६७
  • त्रैलोक्यप्रताप सेन-४६५
  • लोकेश ढकाल-४५५
  • टेकराज पौडेल-४१३
  • मदन अमात्य-४०९
  • पद्यनारायण चौधरी-३९९
  • केदार कार्की-३९६
  • अजयबाबु सिवाकोटी- ३९२
  • मोहन आचार्य-३९०
  • शंकर भण्डारी-३८८
  • धावा गुरुङ-३८६
  • सुरेशचन्द्र चालिसे-३८२

खुला केन्द्रीय सदस्य ३५ पदका लागि ९९ जनाले उम्मेदवारी दिएका छन् । पार्टीका सबै पदाधिकारीको मतगणना शुक्रबार सम्पन्न भएको थियो । महाधिवेशनअन्तर्गत भएको निर्वाचनमा हालसम्म सभापति, दुई उपसभापति, दुई महामन्त्री र आठ सहमहामन्त्रीको मतपरिणाम सार्वजनिक भइसकेको छ । कांग्रेस केन्द्रीय कार्यसमितिका पदाधिकारी र सदस्य गरी १३४ पदका लागि भएको मतदानमा जम्मा ४८७ ले उम्मेदवारी दिनुभएको थियो । कांग्रेसमा जम्मा महाधिवेशन प्रतिनिधि (मतदाता) चार हजार ७४३ रहेका छन् ।

केन्द्रीय कार्यसमितिका पदाधिकारीमध्ये एक सभापति, दुई उपसभापति, दुई महामन्त्री र समावेशीका विभिन्न आठ कलस्टरअन्तर्गत आठ सहमहामन्त्रीको निर्वाचन हुने व्यवस्था छ । कोषाध्यक्ष भने निर्वाचित केन्द्रीय सदस्यमध्येबाट निर्वाचित हुने व्यवस्था छ । यसैगरी ३५ खुला केन्द्रीय सदस्य, महिला नौ, प्रत्येक प्रदेशबाट तीन जनाका दरले २१, दलित नौ, आदिवासी/जनजाति १५, खस/आर्य १३, मधेसी नौ, थारु चार, मुस्लिम तीन, पिछडिएका क्षेत्रबाट एक, अल्पसङ्ख्यकबाट एक, अपाङ्गताबाट एक सदस्य गरी कूल १३४ पदाधिकारी तथा सदस्यको निर्वाचन हुने कांग्रेसको विधानमा उल्लेख छ । जम्मा १६७ सदस्यीय केन्द्रीय समितिमा केन्द्रीय सभापतिले ३३ सदस्य मनोनीत गर्ने विधानमा व्यवस्था छ ।

 

गाउँ सहर संवाददाता