गाउँ सहर

सिद्धार्थ बैंकको प्रमुख कार्यकारीमा सुन्दरप्रसाद कँडेल नियुक्त

काठमाडाैं । सिद्धार्थ बैंक लिमिटेडको प्रमुख कार्यकारी अधिकृतमा नायब प्रमुख कार्यकारी अधिकृत (सिईओ) सुन्दरप्रसाद कँडेल नियुक्त भएका छन् । बैंक सञ्चालक समितिको बैंठकले कँडेललाई आगामी चारवर्षे कार्यकालका लागि प्रमुख कार्यकारी अधिकृतमा नियुक्त गरेको हो ।

बैंकका तत्कालीन प्रमुख कार्यकारी अधिकृत शम्भुनाथ गौतमले आफ्नो चारवर्षे कार्यकाल सम्पन्न गरी बैंकको सेवाबाट अवकाश लिने निर्णय गरेपछि कँडेल कायममुकायम प्रमुख कार्यकारी अधिकृतका रूपमा कार्यरत थिए ।

बैंकिङ क्षेत्रको सेवामा कँडेलको तीन दशकभन्दा लामो कार्य अनुभव रहेको बैंकले जनाएको छ । व्यवस्थापनमा स्नातकोत्तर हासिल गरेका कँडेल १६ वर्षदेखि सिद्धार्थ बैंकका विभिन्न उच्च  व्यवस्थापकीय पदमा रहेर कार्य गरी विगत चार वर्षदेखि बैंकको नायब प्रमुख कार्यकारी अधिकृतको जिम्मेवारी वहन गर्दै आएको जनाइएको छ । बैंक सञ्चालनमा कँडेलको विशेष दखल रहेको तथा सिद्धार्थ बैंकमा सेवा प्रारम्भ गर्नुअगाडि नबिल बैंकमा समेत करिब १७ वर्षको कार्य अनुभव सँगालेको जनाइएको छ । 

नवनियुक्त सिईओ कँडेल रामेछाप निवासी हुन् । कँडेल रामेछापस्थित गौरीशकंर माविमा पूर्व विद्यार्थी समेत हुन् ।

गाउँ सहर संवाददाता

तपाईँको मत