यु–१९ महिला फुटबल टोलीले आज भुटानसँग खेल्दै
- गाउँ सहर संवाददाता
- २ पौष शुक्रबार, २०७८ | १०:१०:०० मा प्रकाशित
काठमाडौं । उपाधि जित्ने लक्ष्यसहित बंगलादेश गएको नेपाली यु–१९ महिला फुटबल टोलीले शुक्रबार (आज) भुटानविरुद्ध खेल्दैछ ।
यसअघि नेपालले पहिलो खेलमा घरेलु टोली बंगलादेशसँग गोलरहित बराबरी खेलेको थियो भने दोस्रो खेलमा श्रीलंकालाई ६–० ले हराएको थियो ।
दुई खेल सकिँदा भारत ६ अंकका साथ शीर्ष स्थानमा छ भने बंगलादेश र नेपालको समान चार अंक छ । भुटानले पनि यसअघि श्रीलंकालाई ५–० ले हराएको थियो । भुटान बंगलादेशसँग ६–० तथा भारतसँग ५–० ले पारजित भएको थियो । श्रीलंकाले भने एउटा खेल पनि जित्न सकेको छैन ।
उपाधि होड कायम राख्न नेपाललाई बाँकी खेल जित्नै पर्नेछ । नेपालले आज भुटानसँग, आइतबार भारतविरुद्ध खेल्न बाँकी छ ।
राउण्डरोबिन लिग पद्धतीमा खेलाइएको प्रतियोगिताको शीर्ष दुई टोलीले फाइनलका लागि प्रतिस्पर्धा गर्नेछ । नेपाल पहिलो संस्करणको उप विजेता टोली हो । बंगलादेश गत संस्करणको विजेता टोली हो ।
नेपालले भुटानविरुद्ध बंगलादेशको ढाकास्थित बीर श्रेष्ठ शाहीद शाइपही मोस्तफा कमल रंगशालामा स्थानीय समयअनुसार सात बजे खेल्नेछ । सोही मैदानमा त्यसअघि आयोजक बंगलादेश र भारतले पनि प्रतिस्पर्धा गर्दैछन् । बंगलादेश र भारतको नतिजाले पनि नेपालको फाइनल खेल्ने समीकरणमा फरक पार्नसक्छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस