गाउँ सहर

भिनाजुकाे हत्या गर्ने सालाे पक्राउ

• गाउँ सहर संवाददाता
• २९ मङ्सिर बुधबार, २०७८ | १३:१८:०० मा प्रकाशित

काठमाडाैं ।  भिनाजुमाथि छुरा प्रहार गरी हत्या गरेको आरोपमा प्रहरीले सालोलाई पक्राउ गरेको छ ।  ईटहरी उप-महानगरपालिका वडा नम्बर ४ मा भिनाजुमाथि छुरा प्रहार गरी हत्या गरेको आरोपमा प्रहरीले सालोलाई पक्राउ गरेको हाे । 

मृत्यु हुनेमा ५१ वर्षीय श्री मुरारी गिरी रहेमन छन् । उनीमाथि छुरा प्रहार गरेको आरोपमा प्रहरीले सालो पर्ने १९ वर्षीय अर्जुन राईलाई पक्राउ गरेको प्रदेश नम्बर १ प्रहरी कार्यालय विराटनगरले जानकारी दिएको छ ।

सुनसरीका प्रवक्ता प्रहरी नायब उपरीक्षक नरेन्द्रकुमार कार्कीका अनुसार राई मानसिक रूपमा अस्वस्थ थिए । उपचारको लागि राईलाई गिरीकै घरमा राखिएको थियो । 

मंगलबार साढे ४ बजे सालो राईले अचानक गिरीको छातीमा छुरा प्रहार गरेको प्रहरीले जनाएकाे छ ।

घाइते गिरीलाई उपचारको लागि नोबेल अस्पताल विराटनगर लगिएकोमा उपचारको क्रममा राति ७ बजे मृत्यु भएको थियो । 

यस सम्बन्धमा थप अनुसन्धान गरिरहेको प्रहरीले बताएकाे छ ।