कांग्रेसकाे केन्द्रिय नेता छान्ने मतदान : ‘आइटेक’ हाेइन ‘हाइटेक’
- गाउँ सहर संवाददाता
- २५ मङ्सिर शनिबार, २०७८ | २१:१८:०० मा प्रकाशित
काठमाडौं । १४ औं महाधिवेशनमा पनि नेपाली कांग्रेसले पुरानै शैलीमा कागजकै मतपत्रमा घन्टौं लगाएर महाधिवेशन प्रतिनिधिहरुले मत दिने भएका छन् ।
तर यसपटक पानीट्यांकीमा माथिबाट भ्वाङ पारेर मतपेटिका बनाइएको छ ।
कांग्रेसले शुक्रबार महाधिवेशन उद्घाटन समारोहमा एउटा ‘एप’ सार्वजनिक गरेको थियो । एपबाट पार्टीलाई अझै हाइटेक बनाउने बताउँदै पार्टी प्रवक्ता विश्वप्रकाश शर्माले पार्टीलाई समयानुकूल बनाइने बताइरहँदा उता राष्ट्रिय सभागृहमा भने पानीट्यांकीमा माथिबाट भ्वाङ पारेर मतपेटिका बनाइदै थियाे ।
आफूलाई ‘हाइटेक’ बनाउने बताएको कांग्रेसले कुरा ‘आइटेक’ (इन्टरनेशनल टेक्नाेलाेजी) गरेपनि काम भने परम्परागत मतदानमै रमाएको छ ।
महाधिवेशन प्रतिनिधिले २९ वटा मतपत्रमा मत दिनुपर्नेछ । यसरी मत हाल्दा एक प्रतिनिधि बराबर १ घन्टा १७ मिनेट लाग्ने जनाइएको छ ।
राष्ट्रिय प्रजातन्त्र पार्टी र नेकपा एमालेले डिजिटल भोटिङ मेसिनबाट महाधिवेशन सम्पन्न गरिसकेका छन् तर कांग्रेसले प्रविधिलाई पछ्याउने आँट गर्न सकेकाे देखिएन ।
‘डिजिटल भोटिङ’ नस्वीकारेकाे कांग्रेसले परम्परागत शैलीकै निर्वाचन रोज्दा केन्द्रीय समितिको अन्तिम परिणाम आउन धेरै लाग्ने देखिन्छ ।
जबकि अहिलेभन्दा थोरै मतदाता र कम पदमा निर्वाचन भएको १३ औं महाधिवेशनमा अन्तिम परिणाम आउन दुई साता लागेको थियो । त्यतिबेला ३ हजार १ सय महाधिवेशन प्रतिनिधि थिए भने ६४ पदमा मात्रै निर्वाचन भएको थियो ।
यसपटक १ सय ३४ पदमा निर्वाचन हुँदै छ भने ४ हजार २ सय १९ प्रतिनिधि मतदानमा सहभागी हुँदै छन् ।
आफ्नै पार्टीको सूचना, सञ्चार तथा प्रचार विभागले बनाएको डिजिटल भोटिङ प्रविधिप्रति सभापति शेरबहादुर देउवासहितका शीर्ष नेताले नै भर नगरेपछि कांग्रेसले वडादेखि पालिका, प्रदेशसभा क्षेत्र, प्रतिनिधिसभा क्षेत्र, जिल्ला र प्रदेशमा जस्तै गरी कागजको मतपत्र प्रयोग गरी निर्वाचन गर्न लागेको हो । ‘यसपटक पद संख्या धेरै छ, प्रतिनिधि पनि धेरै छन्, त्यसैले परिणाम आउन यसपटक झन् बढी समय लाग्न सक्छ,’ केन्द्रीय सदस्य प्रदीप पौडेलले भने । विभागले गत साउन पहिलो साता नै डिजिटल भोटिङको आफ्नै प्रविधि विकास र सुनिश्चित गरेको जनाएको थियो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- पहिलो पटक काठमाडौं जिल्लामा अधिकृत समाज गठन
- संकल्पकाे भारी : पाँचदलीय गठबन्धनले ल्यायाे यस्ताे साझा संकल्प (पूर्णपाठसहित)
- सुस्ताएकाे शेयरबजारमा ३ अर्ब ६३ करोडकाे काराेबार
- प्रधानमन्त्रीसँग सांसदहरूको सवाल-जवाफ (लाइभ)
- फेरिए ११ जिल्लाका सीडीओ, अध्यागमन विभागको महानिर्देशकमा निरौला
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
प्रतिकृया दिनुहोस