राजनीति

मानबहादुर विश्वकर्माले गरे सहमहामन्त्रीमा उम्मेदवारी दिने घोषणा

• गाउँ सहर संवाददाता
• २४ मङ्सिर शुक्रबार, २०७८ | २१:५३:०० मा प्रकाशित

काठमाडौं । नेपाली कांग्रेसका केन्द्रीय सदस्य मानबहादुर विश्वकर्माले सहमहामन्त्रीमा उम्मेदवारी दिने घोषणा गरेका छन् ।

१४ औं महाधिवेशन शुक्रबारदेखि सुरु भएको छ । पछिल्लो तीन केन्द्रीय कार्यसमितिमा सदस्य रहेका उनले दलिततर्फको सहमहामन्त्रीमा उम्मेदवारी दिने घोषणा गरेका हुन् । लामो समय संस्थापन समूहमा रहेका उनी १३ औं महाधिवेशनअघि शेरबहादुर देउवा समूहतर्फ लागे ।

यो समूहबाट उनीसँगै मीनबहादुर विश्वकर्मा पनि दलिततर्फ सहमहामन्त्रीका दावेदार छन् ।