गाउँ सहर

दाेलखामा नाबालकसहित एक दम्पत्ती मृत अवस्थामा फेला

• गाउँ सहर संवाददाता
• १५ मङ्सिर बुधबार, २०७८ | १७:०१:०० मा प्रकाशित

काठमाडाैं । दोलखामा पाँच दिनका नाबालकसहित एक दम्पत्ती मृत अवस्थामा फेला परेका छन् ।

बुधबार बिहान तामाकोशी गाउँपालिका–२, झुलेमा एकै परिवारका ३ जना मृत अवस्थामा भेटिएको जिल्ला प्रहरी कार्यालय, दोलखाका प्रमुख भेषराज रिजालले जानकारी दिएका छन् ।

रिजालका अनुसार मृत्यु हुनेमा स्थानीय २७ वर्षीय श्याम तामाङ, उनकी श्रीमती २५ वर्षीया अम्बिका तामाङ र ५ दिनका छोरा छन् ।

उनीहरुको कोठामा कोइला बालेको भेटिएकाले धुँवाले निस्सासिएर घटना भएको हुनसक्ने आशंका गरिएको छ । 

मृतकहरुको पोष्टमार्टम रिपोर्टबाट पनि मृत्युको कारण खुल्न सक्ने प्रहरीले बताएकाे छ ।