नेप्से सूचक ८० अंकले घट्याे, ५ अर्ब ८३ करोडकाे काराेबार,
- गाउँ सहर संवाददाता
- १२ मङ्सिर आइतबार, २०७८ | १६:११:०० मा प्रकाशित

काठमाडौं । आइतबार बजार मापन गर्ने नेप्से सूचक ८०.२९ अंकले घटेर २६५१.४९ बिन्दुमा रोकिएको छ ।
२३४ कम्पनीको १ करोड १९ लाख ३ हजार २०२ कित्ता सेयर ५ अर्ब ८३ करोड ५१ लाख ३५ हजार ५५ रुपैयाँको सेयर किनबेच भएको छ । ठूला कम्पनीको कारोबार मापन गर्ने सेन्सेटिभ इन्डेक्स १४.१९ अंकले घटेर ५०१.४५ बिन्दुमा रोकिएको छ ।
कारोबारमा सबै समूहको उपसूचकमा गिरावट आएको छ । बैंकिङ समूहको ३४.९७, विकास बैंक २६७.०९, जलविद्युत १३२.०२, फाइनान्स ६८.०८, निर्जीबन बीमा ३८५.९४, माइक्रोफाइनान्स १३९.४ र जीवन बीमा समूहको उपसूचक ५३८.०३ अंकले घटेको छ ।
राष्ट्र बैंकले मौद्रिक नीतिमा सेयर धितो राखेर लिइने कर्जा एउटा बैंकबाट ४ करोड सबै बैंक तथा वित्तीय संस्थाबाट १२ करोडसम्म मात्र कर्जा लिन पाउने व्यवस्था गरेको थियो ।
लगानीकर्ता त्यसको विरोध गर्दै संशोधन गर्न आग्रह गरेका थिए । लगानीकर्ताले यो व्यवस्था संंशोधन गर्न गभर्नरका साथै अर्थमन्त्री जनार्दन शर्मालाई समेत आग्रह गरेका थिए । पहिलो समीक्षामा यसलाई संशोधन नगर्दा लगानीकर्ता निरास बनेका छन् । जसले बजार बजारमा भारी गिरावट देखिएको छ ।
नेप्से घटेपनि यस दिन आईसीएफसी फाइनान्सको शेयर सकारात्मक सर्किट लेभलमा कारोबार भएको छ । फाइनान्सको शेयरमूल्य ९.८७ प्रतिशत बढेर ९३२ रुपैयाँमा अन्तिम कारोबार भएको छ । यस्तै सामलिङ्ग पावर कम्पनीको शेयर पनि ८.२१ प्रतिशतले बढेको छ ।
हिमालयन पावर पार्टनरको शेयरमूल्य भने सर्वाधिक ८.४९ प्रतिशत घटेको छ । त्यसैगरी, मानुषी लघुवित्त, प्राइम लाइफ इन्स्योरेन्स, महालक्ष्मी विकास बैंक, जोशी हाइड्रोपावर लगायतको शेयरमूल्य ७ प्रतिशतभन्दा बढीले घटेको छ।
आइतबार कारोबारमा आएका १३ वटै उपसमुहको सूचक ओरालो लागेको छ । यस दिन व्यापार उपसमुहको परिसूचक सर्वाधिक ५.३७ प्रतिशतले घटेको छ । यस्तै विकास बैंकको पनि ५.११ प्रतिशतले घटेको छ ।

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- यस्ताे आयाे आगामी आर्थिक वर्ष २०८२/८३ काे माैद्रिक नीति (पूर्णपाठ)
- विवाह गरेर ३० वर्षभित्र तीन सन्तान पाइसक्न प्रधानमन्त्रीको आग्रह
- आज विश्व जनसङ्ख्या दिवस
- आज गुरु पूर्णिमा र व्यास जयन्ती मनाइँदै
- यस्ताे छ मुलुककाे ११ महिनाकाे स्वास्थ्य अवस्था
- स्थिर रहेकाे नेप्से परिसूचकमा घट्याे काराेबार रकम
- रसुवा बाढीमा परि ३ प्रहरी र ६ चिनियाँ नागरिकसहित १८ जना सम्पर्कविहीन
- भोटेकोशीकाे बाढीले रसुवागढी नाकामा मानवीय क्षतीसँगै मितेरी पुल, गाडी बगायाे
- २७ सय विन्दुबाट घट्यो नेप्से परिसूचक, कारोबार रकम ८ अर्ब ३७ करोड
- यी हुन् कुलिङ पिरियडमा भएको बदमासी छानबिन गर्ने विशेष समितिका ७ सदस्यहरुको नाम
प्रतिकृया दिनुहोस