गाउँ सहर

नेपाल बन्दमा पनि बारकाे विरोध प्रदर्शन जारी

• गाउँ सहर संवाददाता
• ३० कार्तिक मंगलबार, २०७८ | १२:२५:०० मा प्रकाशित

 काठमाडाैं । प्रधानन्यायाधीश चोलेन्द्र शमशेर जबराको राजीनामा माग गर्दै आएको नेपाल बार एशोसिएसन आज पनि धर्नामा बसिरहेकाे छ । नेत्रविक्रम चन्द विप्लव नेतृत्वको नेकपाको नेपाल बन्दका दिन पनि बारले विरोध प्रदर्शन गरेको हाे।

बारले २३ दिनदेखि आन्दोलन गरिरहेको छ । प्रधानन्यायाधीश जबराले सोमबार विज्ञप्ति जारी गर्दै आन्दोलनरत बारलाई वार्तामा आउन आह्वान गरेका थिए । तर बारले प्रधानन्यायाधीश जबरासँग वार्तामा नबस्ने निर्णय गरेको थियो ।

बारले प्रधानन्यायाधीश जबराको राजीनामा माग गर्दै आएको छ । कानून व्यवसायीले बन्दको दिन पनि आफ्नो आन्दोलनलाई निरतन्तरता दिएका हुन् ।

प्रहरीको सुरक्ष घेरा तोडेर कानून व्यवसायीहरु सर्वोच्चको मुल प्रवेश द्धारमा पुगेका छन् । प्रहरीले बारको आज पनि माइक खोसेको छ । सर्वोच्च अदालमा सुरक्षा व्यवस्था बढाइएको छ ।