गाउँ सहर

कांग्रेस महाधिवेशन उद्घाटनअघि नै नेतृत्वको लागि उम्मेदवारी दिनुपर्ने

काठमाडाैं । नेपाली कांग्रेसको महाधिवेशन उद्घाटनअघि नै नेतृत्वका लागि मनोनयन दर्ता हुने भएको छ ।

कांग्रेसले यो पटक छुट्टै नीति महाधिवेशन गर्ने निर्णय गरेर आसन्न १४ औँ महाधिवेशनलाई नेतृत्व चयनमा मात्रै सीमित गर्ने भएको हो ।

कांग्रेसको महाधिवेशन मंसिर २४ देखि २६ सम्म काठमाडौँमा हुने निर्वाचन समितिको कार्यतालिकालाई आइतबार बसेको केन्द्रीय कार्यसमितिको बैठकले अनुमोदन गरेको हाे ।

महाधिवेशनको मंसिर २४ गते उद्घाटन हुने भए पनि नयाँ नेतृत्वका लागि मंसिर २१ गते नै उम्मेदवारी मनोनयन हुने भएको छ । नेता गगन थापाका अनुसार २१ गते मनोनयन दर्ता, २४ गते महाधिवेशन उद्घाटन र २५ गते नयाँ नेतृत्वका लागि मतदान हुने भएकाे छ ।

कांग्रेसको महाधिवेशनमा नीति केन्द्रित बहस कम हुने गरेको थियो । नेतृत्व चयनको छायाँमा नीतिगत छलफल पर्ने भएकाले यस पटकदेखि कांग्रेसले पनि छुट्टै नीति महाधिवेशन गर्ने भएको हो । नीति महाधिवेशनको मिति भने तय भइसकेकाे छैन । छिट्टै मिति तोकिने कांग्रेसले जानकारी दिएकाे छ।

गाउँ सहर संवाददाता

तपाईँको मत