गाउँ सहर

नेकपा एमाले पोखरा ३३ को शुभकामना आदान प्रदान कार्यक्रम

• गाउँ सहर संवाददाता
• १८ कार्तिक बिहीबार, २०७८ | १६:४८:०० मा प्रकाशित

पोखरा । नेकपा एमाले पोखरा ३३ भरत पोखरीले बिहीबार नेपालिहरुका विभिन्न चाडपर्व  बिजया दशमी, तिहार ,छठ  तथा नेपाल सम्बतको अवसरमा शुभकामना आदान प्रदान एवम् चियापान कार्यक्रम सम्पन्न गरेको छ ।

कार्यक्रमका प्रमुख अतिथी कास्की क्षेत्र न २ बाट निर्वाचित प्रतिनिधि सभा सदस्य बिद्या भट्टराई अधिकारीले देशको प्रमुख समस्या गरिबी नै भएको भन्दै नेकपा एमालेले मात्रै देशलाई आर्थिक समृद्धिको बाटोमा अघि बढाउने दाबी गरिन् ।

नेकपा एमाले कास्कीका अध्यक्ष एवम् गण्डकी प्रदेश सांसद कृष्ण थापाले वडा न ३३ ऐतिहासिक बिरासत बोकेको वडा भएको उल्लेख गरे ।

सो कार्यक्रममा एमाले गण्डकी प्रदेश कमिटी सदस्य रश्मि आचार्यले नेपाल दक्षिण एसियामा कसैको दास नबनेको भन्दै देशको स्रोत साधनको उच्चतम प्रयोगमा अबको राजनीति केन्द्रिकृत हुनुपर्ने बताए । पोखरा महानर कमिटी अध्यक्ष दिलिप न्यौपाने, कास्की जिल्ला कमिटी सचिवालय सदस्य युबराज पौडेल, वडा न ३३ का निवर्तमान अध्यक्ष गुरु प्रसाद क्रान्तिकारी, सो वडाका वडा अध्यक्ष शिव प्रसाद आचार्य, साबिक भरत पोखरी गाविस अध्यक्ष यज्ञ प्रसाद अधिकारी, नेपाली काङ्ग्रेस वडा न ३३ का उपाध्यक्ष गोबिन्द गौतम, सरस्वती टीका माबिका अध्यक्ष ऋषि राज आचार्य ,एमाले पोखरा महानगर  कमिटी सफस्य चन्द्र पौडेल लगायतले मन्तव्य  व्यक्त गरेका थिए ।

वडा कमिटीका अध्यक्ष दिपक राज लामिछानेको अध्यक्षतामा सम्पन्न कार्यक्रममा स्वागत उपाध्यक्ष महेश्वर अर्यालले र  संचालन सचिव शान्तिदेबि आचार्यले गरेकी थिइन् ।