स्वास्थ्य

देशभर थप ५९१ जनामा कोरोना संक्रमण, ९ जनाको मृत्यु, काठमाडौँ उपत्यकामा २७४ थपिए

काठमाडौं । पछिल्लो २४ घण्टामा देशभर ५९१ जना कोभिड संक्रमित थपिएका छन् । ९ हजार ६९७ वटा नमुनाको परीक्षण गर्दा ५९१ जनामा संक्रमण पुष्टि भएको हो । 

त्यस्तै पछिल्लो २४ घण्टामा ९ जनाको मृत्यु पुष्टि भएको छ । योसँगै नेपालमा कोभिड संक्रमणका कारण मृत्यु हुनेको संख्या ११ हजार २९३ पुगेकोे छ । 

त्यस्तै आज ९३७ जना संक्रमणमुक्त भएका छन् । योसँगै नेपालमा सक्रिय संक्रमितको संख्या ११ हजार ८७४ पुगेको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा काठमाडौँ उपत्यकामा थप २७४ जनामा कोरोना संक्रमण पुष्टि भएको छ।

स्वास्थ्य मन्त्रालयका अनुसार काठमाडौँमा २०३, भक्तपुरमा ३० र ललितपुरमा ४१ जना संक्रमित थपिएका हुन्।

गाउँ सहर संवाददाता