सडक/यातायात

जिप दुर्घटना हुँदा तीनजनाको मृत्यु, ६ घाइते

गुल्मी । गुल्मीमा जिप दुर्घटना हुँदा तीनजनाको मृत्यु छ । अरु ६ जना घाइते भएका छन् ।

बुटवलबाट गुल्मीको सदरमुकाम तम्घासका लागि छुटेको लु १ ज ४४९० नम्बरको जिप बिहीबार राति रेसुङ्गा नगरपालिका १० अन्तर्गत पाँचरातेमा दुर्घटनामा परेको हो ।

दुर्घटनामा मुसिकोट नगरपालिका-२ जलजलेका ७० वर्षका क्षेत्रबहादुर थापा, ४६ वर्षकी राधिका थापा र मुसिकोट नगरपालिका-३ चुँदारीकी १९ वर्षकी सङ्गिता सुनारको मृत्यु भएको जिल्ला प्रहरी कार्यालय गुल्मीले जनाएकाे छ । उनीहरुको उपचारका क्रममा गुल्मी अस्पताल तम्घासमा राति नै ज्यान गएको हो ।

दुर्घटनामा चालक कमल थापा, खिमा थापा, जुना थापा, सुमित्रा सुनार, राधा केसी र राजु थापा घाइते भएका छन् । घाइते भएकाहरुमध्ये पाँचजनालाई थप उपचारका लागि पाल्पा लगिएको छ । एकजनाको गुल्मी अस्पताल तम्घासमा उपचार भइरहेको छ ।

गाउँ सहर संवाददाता