स्वास्थ्य

विश्वमा कोरोनाभाइरसका सक्रिय संक्रमितको संख्या १ करोड ८३ लाख २० हजार ३३४, नेपालकाे अवस्थामा सुधार

• गाउँ सहर संवाददाता
• १८ असोज सोमबार, २०७८ | ०७:१५:०० मा प्रकाशित

काठमाडौँ । विश्वव्यापी महामारी कोरोनाभाइरसका कारण २३ करोड ५७ लाख १६ हजार ४९२ जना संक्रमित भएका छन् भने २१ करोड २५ लाख ८० हजार ३११ ले भने रोग जितेका छन् । यसमा ४८ लाख १५ हजार ८४७ ले भने ज्यान गुमाएका छन् ।

यो समाचार तयार पार्दासम्म, नेपालको समयानुसार विहानको सात बजेको अपडेटमा सक्रिय संक्रमितको संख्या विश्वमा अब १ करोड ८३ लाख २० हजार ३३४ रहेको छ । यो अघिल्लो दिनभन्दा केही कम हो । वर्ल्डोमिटर्स डट इन्फोकोरोनाभाइसकानुसार कुल सक्रिय संक्रमितमध्ये ८७ हजार २३ जनाको अवस्था भने चिन्ताजनक छ जुन ०.५ प्रतिशत हो । यो संख्या अघिल्लो दिनको तुलनामा कम नै हो ।

अहिलेसम्मका केशहरू मध्ये ९९.५ प्रतिशत डिस्चार्ज भएका छन् भने २ प्रतिशतको मृत्यु भएको इन्फोले बताएको छ । स्वास्थ्य मापदण्ड र खोपका कारण अहिले भाइरस तल परेको अवस्था छ ।

भाइरसका कारण अमेरिका, भारत, ब्राजिल, बेलायत, रशिया, टर्की, फन्स, इरान, अर्जेनिटना र स्पेन बढी प्रताडित छन् । पछिल्लो समय र इन्फोको अपडेटसमयानुसार विश्वका २२३ देश तथा भूभागमा भाइरसका कारण ३२६ जनाको मृत्यु भइसकेको छ ।

नेपालमा कोरोनाभाइरसका कारण पछिल्लो २४ घण्टामा थप ७ जनाको मृत्यु भएको छ । योसहित कुल मृतकको संख्या ११ हजार १६४ पुगेको छ ।

स्वास्थ्य तथा जनसंख्या मन्त्रालयका अनुसार १० हजार ९२० को परीक्षण गर्दा नयाँ ६९७ संक्रमित थपिएका छन् । योसहित कुल संक्रमितको संख्या पिसिआर परीक्षणबाट ७ लाख ९७ हजार १९२ र एन्टिजेन विधिबाट ९२ हजार ३४ पुगेको छ । 

मन्त्रालयका अनुसार पछिल्लो समयमा निको हुनेको संख्या १ हजार ४०५ छ । योसहित कुल निको हुनेको संख्या ७ लाख ६९ हजार २२४ पुगेको छ ।

मन्त्रालयका अनुसार अहिले ३३७ जना संक्रमित सघन र १०४ जनाको भन्टिलेटरमा उपचारार्थ छन् । देशभरका संस्थागत क्वारेन्टाइनमा रहनेको संख्या २५२, होम आइसोलेशनमा रहने १५ हजार ५३७ र संस्थागत आइसोलेशनमा १ हजार २७० रहेका छन् ।

देशमा सक्रिय संक्रमण १६ हजार ८०४ मा रहेको छ ।

मन्त्रालयका अनुसार निको हुनेको प्रतिशत ९६.५ छ । पूर्ण खोप लगाउनेको संख्या ६३ लाख ५२ हजार ३२२ पुगेको छ । पछिल्लो २४ घण्टामा मात्र २६ हजार ४१९ जनाले खोप लगाएका छन् ।

मन्त्रालयका अनुसार संक्रमण दर १८.९ प्रतिशत र मृत्यु प्रति दशलाखमा ३७६.३ रहेको छ । अझैपनि ८ जिल्लामा ५०० बढी संक्रमित र १९ जिल्लामा २०० बढी संक्रमित रहेका छन् ।