अर्थतन्त्र

नेप्से १०४ अंकले बढेपनि कारोबार रकम ६ अर्ब मात्रै

काठमाडाैं । बुधबार नेप्से सूचक १०४.८८ अंकले बढेर २८१६.९५ विन्दुमा पुगेको छ ।

यस दिन २१७ कम्पनीको १ करोड २१ लाख २२ हजार २९८ कित्ता शेयर ६ अर्ब १७ करोड ९३ लाख १५८ रुपैयाँमा खरिदबिक्री भएको छ ।

यो दिन २०७ वटा कम्पनीको सेयर मूल्य बढेको छ भने ४ वटा कम्पनीको सेयर मूल्य घटेको छ । साथै ६ वटा कम्पनीको सेयर मूल्य स्थिर छ ।

यो दिन दर्जनबढी कम्पनीको सेयर मूल्यमा सकारात्मक सर्किट लागेको छ ।

यो दिनको कारोबारमा गुहेश्वरी मर्चेन्ट, कर्पोरेट डेभलपमेन्ट बैंक, मल्टिप्रपोज फाइनान्स, सिन्धु विकास बैंक, युनियन हाइड्रोपावर, हिमाल दोखला हाइड्रोपावर, लिबर्टी इनर्जी कम्पनी, मनकामना स्मार्ट लघुवित्त, पञ्चकन्या माइ हाइड्रोपावर, श्री इन्भेटमेन्ट कम्पनी, आइसीएफसी फाइनान्स, हिमाल उर्जा विकास कम्पनीलगायतका कम्पनीहरुको सेयर मूल्यमा सकारात्मक सर्किट लागेको छ ।

यस दिन कारोबार रकममा भने केहि गिरावट देखिएको छ ।

यस दिन उच्च दरले बढ्ने कम्पनीको शीर्ष स्थानमा बेष्ट फाइनान्स कम्पनी, कर्पोरेट डेभलपमेन्ट बैंक, हिमाल दोलखा हाइड्रोपावर, लिवर्टी इनर्जी र सिन्धु विकास बैंक रहेका छन् ।

गाउँ सहर संवाददाता

तपाईँको मत