स्वास्थ्य

पछिल्लाे २४ घण्टाभित्र काठमाडौं उपत्यकामा ४३० जना कोरोना संक्रमित थपिए

• गाउँ सहर संवाददाता
• ३१ भदौ बिहीबार, २०७८ | १७:२१:०० मा प्रकाशित

काठमाडौं । पछिल्लाे २४ घण्टाभित्र काठमाडौं उपत्यकामा ४३० जना कोरोना भाइरसका संक्रमित थपिएका छन्।

उपत्यकाका विभिन्न ल्याबहरुमा भएका पीसीआर तथा विभिन्न स्थानमा गरिएको एन्टिजेनबाट ती संक्रमित पहिचान भएको स्वास्थ्य तथा जनसंख्या मन्त्रालयले जानकारी दिएको छ।

थपिएका संक्रमितमध्ये काठमाडौंका सबैभन्दा बढी २९३ जना रहेका छन्। यसैगरी भक्तपुरमा ३९ र ललितपुरमा ९८ जना संक्रमित थपिएको मन्त्रालयले जनाएको छ।   

नेपालमा पछिल्लो २४ घण्टामा थप १ हजार ५११ जनामा कोरोना संक्रमण पुष्टि भएको छ।

यस्तै गत २४ घण्टामा कोरोनाबाट ११ जना संक्रमितले ज्यान गुमाएका छन्। यससँगै कोरोनाबाट हालसम्म ज्यान गुमाउनेको संख्या ११ हजार २ पुगेको छ।