गाउँ सहर

राप्रपा महिला संगठनले तीजको दर खाने जमघट गर्ने खर्च मृगौला पीडितलाई सहयोग गर्ने

• गाउँ सहर संवाददाता
• १७ भदौ बिहीबार, २०७८ | १२:०५:०० मा प्रकाशित

काठमाडौं । राष्ट्रिय प्रजातन्त्र पार्टी (राप्रपा) सम्वद्ध महिला संगठनले तीजको दर खाने जमघटको साटो मृगौला पीडितलाई सहयोग गर्ने निधो गरेको छ । 

राप्रपा निकट राष्ट्रिय प्रजातान्त्रिक महिला संगठनका सह–अध्यक्ष ममता राईको अध्यक्षतामा सम्पन्न एक भेलाले मानवीय मूल्यलाई आत्मसात गर्दै तडकभडक भन्दा सामाजिक सेवालाई प्राथमिकतामा राखेको हो ।

राप्रपा केन्द्रीय कार्यालय चावहिलमा सम्पन्न भेलाले सोही भावना बमोजिम यसपालीको तीजमा जमघट गरेर दर खाने कार्यक्रम नगर्ने, बरू सोही रकम जम्मा गरेर मृगौला पीडितलाई सहयोग गर्ने निष्कर्ष लिएको हो ।

यस पवित्र कार्यमा मद्दत गर्ने सम्पूर्ण सहयोगीलाई महिला नेतृ विन्दा गिरीले हार्दिक आभार पनि प्रकट गरेका छन् ।