नेप्सेमा काराेबार रकमसँगै जलविद्युत कम्पनीको शेयरमूल्यमा नकारात्मक सर्किट लागेर घट्याे
- गाउँ सहर संवाददाता
- ८ भदौ मंगलबार, २०७८ | १६:४७:०० मा प्रकाशित
काठमाडौं । मंगलबार सेयर बजारमा गिरावट आएको छ । यसदिन अधिकांश कम्पनीको सेयर मूल्यमा गिरावट देखिएको छ । अधिकांश जलविद्युत कम्पनीको शेयरमूल्यमा नकारात्मक सर्किट लागेर घट्याे ।
नेपाल स्टक एक्सचेञ्जका अनुसार मंगलबार सूचक ५६.०३ अंकले घटेर ३१२४.८७ बिन्दुमा झरेको छ । ठूला कम्पनीको सूचक मापक सेन्सेटिभ इन्डेक्स १२.८१ अंकले घटेर ५७७.६६ बिन्दुमा झरेको छ ।
यो दिन २ करोड ५३ लाख १६ हजार ८०५ कित्ता सेयर १६ अर्ब १२ करोड ४४ लाख ६८ हजार ६० रुपैयाँमा कारोबार भएको छ । जसमा १५९ वटा कम्पनीको सेयर मूल्य घटेको छ भने ५९ वटा कम्पनीको मात्रै सेयर मूल्य बढेको छ । साथै १५ वटा कम्पनीको सेयर मूल्य स्थिर छ ।
यो दिनको कारोबारमा २ वटा कम्पनीको सेयर मूल्यमा सकारात्मक सर्किट लाग्दा करिब डेढ दर्जनबढी कम्पनीको सेयर मूल्यमा नकारात्मक सर्किट लागेको छ ।
यो दिनको कारोबारमा गोर्खाज फाइनान्स र जीवन विकास लघुवित्तको सेयरमा सकारात्मक सर्किट लागेको छ भने नेशनल हाइड्रोपावर, खानीखोला हाइड्रोपावर, जोशी हाइड्रोपावर, नेपाल हाइड्रो डेभलपर्स, कालिका पावर कम्पनी, आँखुखोला जलविद्युत् कम्पनी, घलेम्दी हाइड्रो लिमिटेड, युनिभर्सल पावर कम्पनी, युनियन हाइड्रोपावर, एचआइडीसीएललगायतका कम्पनीको सेयर मूल्यमा नकारात्मक सर्किट लागेको छ ।
नेप्सेमा उच्च अंकको गिरावट आएसँगै बिहीबारको तुलनामा कारोबार रकम पनि ४ अर्ब ३७ करोडको भारी गिरावट आएको छ । नेप्सेमा आएको पहिरोले बजार सूचक अझ घट्नसक्ने आंकलन गर्दै लगानीकर्ताले घट्दो मूल्यमा पनि अझ घटाएर शेयर खरीद गर्न खोजेको देखिन्छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस