राजनीति

साेमबार केपी निवास बालकाेटमा देखिएकाे आशा पूरा हाेला !

• गाउँ सहर संवाददाता
• ७ भदौ सोमबार, २०७८ | १५:४५:०० मा प्रकाशित

काठमाडाैँ । साेमबार नेकपा एमालेका अध्यक्ष केपी शर्मा ओली र एकता पक्षधर नेताहरुबीच १० बुँदे सहमति कार्यान्वयन गर्ने सैद्धान्तिक सहमति भएको छ । सहमति ओली निवास बालकाेटमा भएकाे हाे ।

सहमति अनुसार मंगलबार स्थायी कमिटीको बैठक बोलाइएको छ, जसले १० बुँदे अनुसार २०७५ साल जेठ २ गते कायम भएका नेकपा एमालेका कमिटीहरु क्रियाशील बनाउने कार्यतालिका बनाउने छन् ।

एमालेमा लामो समय माधवकुमार नेपालसँग रहेका, तर उनको नेतृत्वको नयाँ दलमा नगएका भीम रावल, घनश्याम भुसाल, गोकर्ण विष्ट, योगेश भट्टराई लगायतका नेताहरुले नेकपा एकीकृत समाजवादीको दल दर्ताका लागि निर्वाचन आयोगमा सनाखत गर्नुअघि १० बुँदे सहमति अक्षरंशः कार्यान्वयन गर्न र १४ सांसदमाथि गरिएको कारबाही फिर्ता लिन अल्टिमेटम दिएको थियो ।

१० बुँदे सहमतिनुसार पार्टीलाई २ जेठ २०७५ मा फर्काउने प्रस्ताव बनाउन उपाध्यक्ष भीम रावल, महासचिव पोखरेल र उपमहासचिव विष्णु पौडेललाई जिम्मा दिइएको छ । एकता पक्षधर एक नेताका अनुसार पार्टी एकता हुन्छ कि हुन्न भन्ने विषय उक्त प्रस्तावमा भर पर्नेछ ।

बालकोट छलफलमा सहभागी दुबै पक्षका नेताहरु १० बुँदे कार्यान्वयन हुनेमा आशावादी देखिएका छन् ।

तर माधवकुमार नेपालसहित केही नेता फर्किने सम्भावना नदेखेको केहि नेताकाे अनाैपचारिक बाेलीले भने निराशापनि चुलिएकाे देख्न सकिन्छ ।