माधवकुमार नेपालद्वारा पार्टी पुनःगठन गर्ने घोषणा, पार्टीबाट हटाउन गरेको निर्णयले केही फरक नपार्ने
- गाउँ सहर संवाददाता
- १ भदौ मंगलबार, २०७८ | १८:१०:०० मा प्रकाशित
काठमाडौँ । नेकपा एमालेका वरिष्ठ नेता माधवकुमार नेपालले पार्टी पुनःगठन गर्ने घोषणा गरेका छन् ।
आफू पक्षीय जन वर्गीय संठनको भर्चुअल भेलालाई सम्बोधन गर्दै नेता नेपालले पार्टी पुनःगठन घोषणा गरेका हुन् । उनले ओलीले आफूसहित १४ जनालाई पार्टीबाट हटाउन गरेको निर्णयले केही फरक नपार्ने बताउँदै नयाँ पार्टी बनाउने बताएका हुन् ।
उनले भने, ‘अब पार्टी पुनःगठन गरिनेछ । आन्दोलन जगाइने छ । लोकतन्त्रको झण्डा बुलन्द गरिनेछ । अब सबै पार्टीसँग सहकार्य गर्ने छौँ ।’
उनले संगठन विस्तारका लागि जुट्न कार्यकर्तालाई निर्देशन दिए ।
नेता नेपालले अध्यक्ष केपी ओलीका कारण पार्टी गणतन्त्रविरोधी हो कि भन्ने प्रश्न उत्पन्न भएको पनि बताएका छन् । उनले ओलीकै नजिकका मान्छेबाट संघीयताविरोधी आवाजहरू उठ्न थालेको भन्दै असन्तुष्टी जनाए ।
नेपालले भने, ‘उहाँले एकपछि अर्को आफ्ना सहयोद्धालाई छोड्दै जानुभएको छ । साथ दिनेहरूसँग टाढिँदै जानुभएको छ । आज उहाँले पार्टीलाई जुन दुर्दशामा पुर्याउनु भएको छ, त्यसको क्षतिपूर्ति गर्न लामो समय लाग्छ ।’
भेलामा ओलीले देशभक्तिको झण्डा फालेको र लोकतन्त्रको मूल्यमान्यता त्यागेको आरोप पनि नेता नेपालले लगाए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- प्रधानमन्त्रीसँग सांसदहरूको सवाल-जवाफ (लाइभ)
- फेरिए ११ जिल्लाका सीडीओ, अध्यागमन विभागको महानिर्देशकमा निरौला
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
प्रतिकृया दिनुहोस