अर्थतन्त्र

एनआईसि एशिया २४ वर्षसम्ममा आइपुग्दा देशकै सबैभन्दा ठूलो सञ्जाल भएको बैंक

• गाउँ सहर संवाददाता
• ७ श्रावण बिहीबार, २०७८ | ०९:००:०० मा प्रकाशित

काठमाडाैं । एनआईसि एशिया बैंक २४औं वर्षमा प्रवेश गरेको छ । २४ वर्षसम्ममा आइपुग्दा यो बैंक देशकै सबैभन्दा ठूलो सञ्जाल भएको बैंक बनेको छ ।

बैंकले ३५६ शाखा, ७० विस्तारित काउण्टर, ८१ शाखा रहित बैंकिङ्ग सेवा तथा ४७१ एटिएम मार्फत बैंकिङ्ग सेवा सेवा प्रदान गर्दै आएको छ । बैंकले आफ्ना २७ लाख ३६ हजार भन्दा बढी निक्षेप खाता एवं ९१ हजार भन्दा बढी कर्जा खाता गरी २८ लाख २७ हजार भन्दा बढी खाताहरु मार्फत सेवा प्रवाह गरिरहेको जनाएको छ।

साथै २४ वर्षको अवधिमा आफ्नो शेयरधनीलाई लगानीमा उच्चतम प्रतिफल प्रदान गर्न गर्न सफल भएको बैंकको भनाई छ । सर्वसाधारण शेयरधनीको सुरुवाती एक कित्ता पब्लिक शेयरको मूल्य हाल १३ हजार ६ सय ६२ हुन पुगेको छ, जुन सुरुवाती लगानी रकमको करिब १ सय ३६ गुणाको वृद्धि हो ।

त्यसैगरी देशको अर्थतन्त्रको सवलीकरण तथा उच्च आर्थिक वृद्धिमा टेवा पुर्याउन उत्तरदायी बैंकिङ्गको अभ्यास गर्दै स्थापना कालदेखि हालसम्ममा गरी प्रत्यक्ष र अप्रत्यक्ष १५ अर्ब ७३ करोड भन्दा बढी राजश्व नेपाल सरकारलाई भुक्तानी गर्न गर्न सफल भएको छ ।

बैंकले आ.व. २०७७/७८ मा कर्जातर्फ ५२ प्रतिशत (८९ अर्ब ४१ करोड) तथा निक्षेपतर्फ ४२ प्रतिशत ९८८ अर्ब ९६ करोड) वृद्धि गरेको जनाएको छ । कर्जा तथा निक्षेप वृद्धिमा हामीले हासिल गरेको वार्षिक वृद्धि रकम नेपालको बैंकिङ्ग इतिहासकै ऐतिहासिक र सर्वाधिक धेरै भएको बैंकको भनाई छ ।

आ.व. २०७७/७८ मा समग्र बैंकिङ्ग क्षेत्र तर्फको कर्जा तथा स्वदेशी निक्षेपको वार्षिक वृद्धि रकमको क्रमशः १२.६६ प्रतिशत तथा १३.५८ प्रतिशत बजार हिस्सा हासिल गर्न हामी सफल भएको बैंकको दाबी छ ।

गौरवमय २४ औं वर्षमा प्रवेश गरेको अवसरमा बैंकले विद्युतीय भुक्तानीमा २४ प्रतिशतसम्मको क्यासब्याक योजना ल्याएको छ । जस अन्तर्गत यस बैंकको डेबिट/क्रेडिट कार्ड प्रयोग गरी पोस तथा ई कमर्श भुक्तानी गर्दा तथा एन आई सी एशिया मो बैंक मार्फत क्युआर स्क्यान गरी भुक्तानी गर्दा २४ प्रतिशत वा अधिकतम ५०० सम्म क्यासब्याक योजना संचालनमा ल्याएको छ ।

वार्षिक उत्सवको अवसरमा श्रावण ७ गते कार्ड वा एन आई सी एशिया मो बैंकबाट कारोबार गर्ने पहिलो १,००० (एक हजार) ग्राहकले यो सुविधा प्राप्त गर्न सक्ने बैंकले जनाएको छ।

आर्थिक वर्ष २०७७/७८ को तेस्रो त्रयमाससम्म आईपुग्दा वासलातको आकार, कर्जा प्रवाह, निक्षेप, स्वपुँजीमा प्रतिफल, शाखा सञ्जाल तथा एटिएमको संख्या लगायतका अधिकांश प्रमुख वित्तीय एवं गैर वित्तीय परिसूचकहरूमा देशकै सर्वोत्कृष्ट बैंक बन्न सफल भएको बैंकको दाबी छ ।

बैकले अन्य बैंक तथा वित्तीय संस्थाहरुको न्यून उपस्थिति रहेका दुर्गम जिल्लाहरू मुगु, कालिकोट, बझाङ, रूकुम, जुम्ला, सल्यान आदि तथा कुनै पनि बैंक तथा वित्तीय संस्थाहरूको उपस्थीति नरहेको ३४ भन्दा बढी स्थानीय निकायहरूमा समेत शाखा सञ्जाल विस्तार गरी वित्तीय पहुँच विस्तारमा समेत गर्न उल्लेख्य योगदान पुर्याएको छ ।