स्वास्थ्य

कोरोना संक्रमितमध्ये सघनमा ५७६ र भेन्टिलेटरमा १७१ जनाको उपचार हुँदै, थप १५ जनाकाे मृत्यु, निकाे हुनेकाे दर ९४.६ प्रतिशत

काठमाडौँ । पछिल्लो २४ घण्टा १५ जना कोरोना संक्रमितको मृत्यु भएको छ । यो सहित कुल मृतकको संख्या ९ हजार २६३ पुगेको छ । 

पछिल्लो २४ घण्टाको कोरोना मिटरले कोरोना संक्रमितमध्ये सघनमा ५७६ र भेन्टिलेटरमा १७१ जनाको उपचार भइरहेको छ ।

पछिल्लो २४ घण्टामा १२ हजार ५८५ को परीक्षण हुँदा २ हजार ६३४ संक्रमित थपिएका छन् । जसमा महिला ३९.३ र पुरूष संक्रमितकाे प्रतिशत ६०.६ रहेकाे छ । योसहित कुल संक्रमितको संख्या ६ लाख ४८ हजार ८५ पुगेको छ 

मन्त्रालयका अनुसार निको हुनेको संख्या १ हजार ५६५ छ । योसहित कुल निको हुनेको संख्या ६ लाख १२ हजार ९९४ पुगेको छ ।  

आजसम्म ३३ लाख ८३ हजार ५४४ जनाको पिसिआर टेस्ट भएको छ भने एन्टिजेन विधिबाट २ लाख १३ हजार ३५८ को टेस्ट भएको छ । देशभरका क्वारेन्टाइनमा रहनेको संख्या ३३० र होम आइसोलेशनमा रहेको संख्या २२ हजार ९६९ छ भने संस्थागत आइसोलेशनमा रहेको संख्या २ हजार ८५९ छ ।

देशभर अहिले २५ हजार ८२८ सक्रिय संक्रमित रहेको मन्त्रालयले जनाएको छ ।

निकाे हुनेकाे दर ९४.६ प्रतिशत छ । अहिलेसम्म दुबै खाेप लगाउनेकाे संख्या ७ लाख ५९ हजार ९५४ पुगेकाे मन्त्रालयले जनाएकाे छ ।

गाउँ सहर संवाददाता