पर्यटन क्षेत्र थला परेपछि नेपाल भित्रिने विदेशी लगानी ३२ प्रतिशतले घट्यो
- गाउँ सहर संवाददाता
- ८ असार मंगलबार, २०७८ | ०९:०४:०० मा प्रकाशित

काठमाडाैं । कोरोना सङ्क्रमणका कारण पर्यटन क्षेत्र थला परेपछि त्यसको प्रत्यक्ष असर नेपाल भित्रिने विदेशी लगानीमा परेको छ । जसको परिणामस्वरूप सन् २०२० मा नेपालको विदेशी लगानी ३२ प्रतिशतले खुम्चिएर १४ अर्ब ७४ करोड रुपियाँमा सीमित भएको छ ।
संयुक्त राष्ट्रसङ्घीय व्यापार तथा विकास सभा (अङ्कट्याड)ले सोमबार सार्वजनिक गरेको विश्व लगानी प्रतिवेदन २०२१ अनुसार अन्य आर्थिक गतिविधिसँग पनि जोडिएको पर्यटन क्षेत्र प्रभावित हुँदा विदेशी लगानी प्रभावित भएको हो ।
प्रतिवेदनअनुसार सन् २०१९ मा भने नेपालले उच्च विदेशी लगानी प्राप्त गरेको थियो । उक्त वर्ष नेपालले २१ अर्ब ६४ करोड रुपियाँ विदेशी लगानी भित्र्याएको थियो ।
पछिल्ला पाँच वर्षमध्ये सन् २०१७ मा ऐतिहासिक रूपमै उच्च अर्थात् २३ अर्ब १६ करोड रुपियाँ विदेशी लगानी प्राप्त गरेको थियो । सन् २०१८ मा विदेशी लगानी व्यापक घटेर ७ अर्ब ८३ करोड रुपियाँमा सीमित भएको प्रतिवेदनमा उल्लेख छ ।
दक्षिण एसियाली मुलुकमध्ये सन् २०२० सबैभन्दा धेरै भारतले ६४ अर्ब डलर विदेशी लगानी भित्र्याएको छ । त्यसपछि बङ्गलादेशले दुई अर्ब ५६ करोड, पाकिस्तानले दुई अर्ब १० करोड, श्रीलङ्काले ४३ करोड, माल्दिभ्सले ३४ करोड डलर लगानी भित्र्याएका छन् ।
अफगानिस्तानले केवल एक करोड ३० लाख डलर मात्र लगानी भिœयाएको प्रतिवेदनमा उलेख छ । दक्षिण एसियाली मुलुकमध्ये सबैभन्दा कम भुटानमा ३० लाख डलर मात्र विदेशी लगानी भित्रिएको छ ।
भारतबाहेक अन्य सबै दक्षिण एसियाली मुलुकको सन् २०२० मा भित्रिएको विदेशी लगानी अघिल्लो वर्षको तुलनामा घटेको छ ।

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- यस्ताे आयाे आगामी आर्थिक वर्ष २०८२/८३ काे माैद्रिक नीति (पूर्णपाठ)
- विवाह गरेर ३० वर्षभित्र तीन सन्तान पाइसक्न प्रधानमन्त्रीको आग्रह
- आज विश्व जनसङ्ख्या दिवस
- आज गुरु पूर्णिमा र व्यास जयन्ती मनाइँदै
- यस्ताे छ मुलुककाे ११ महिनाकाे स्वास्थ्य अवस्था
- स्थिर रहेकाे नेप्से परिसूचकमा घट्याे काराेबार रकम
- रसुवा बाढीमा परि ३ प्रहरी र ६ चिनियाँ नागरिकसहित १८ जना सम्पर्कविहीन
- भोटेकोशीकाे बाढीले रसुवागढी नाकामा मानवीय क्षतीसँगै मितेरी पुल, गाडी बगायाे
- २७ सय विन्दुबाट घट्यो नेप्से परिसूचक, कारोबार रकम ८ अर्ब ३७ करोड
- यी हुन् कुलिङ पिरियडमा भएको बदमासी छानबिन गर्ने विशेष समितिका ७ सदस्यहरुको नाम
प्रतिकृया दिनुहोस