वातावरण

विशेष माैसम बुलेटिनः मनसुन प्रवेश, केहि स्थानमा एकदुइ दिनमै

• गाउँ सहर संवाददाता
• २९ जेठ शनिबार, २०७८ | १६:३०:०० मा प्रकाशित

काठमाडाैँ । जल तथा माैसम विज्ञान विभागका अनुसार, मिति २०७८/०२/२८ गते बाट नेपालको पूर्वी भूभागहरुः प्रदेश १, प्रदेश २ र बागमती प्रदेशमा प्रवेश गरेको मनसुन (Monsoon Onset) आज मिति २०७८/०२/२९ गते बाट देशको गण्डकी प्रदेश तथा लुम्बिनी प्रदेशको पूर्वी भू-भाग सम्म प्रवेश गरेको छ । अबको एक दुई दिनमा मनसुन पश्चिम नेपाल सम्मनै प्रवेश गर्ने देखिन्छ ।

आगामी साता मनसुन सक्रिय भई देशका धेरै स्थानहरुमा हल्का देखि मध्यम वर्षा केहि स्थानहरुमा भारी वर्षा र थोरै स्थानहरुमा धेरै भारी वर्षाको सम्भावना रहेको हुनाले आवश्यक सतर्कता अपनाउन हुन विभागले अनुरोध गरेकाे छ ।

मौसम पूर्वानुमान महाशाखाले मनसुनलाई निरन्तर अनुगमन गरिरहेको र महाशाखाबाट जारी गरिने तिन दिने मौसम पूर्वानुमान तथा अन्य अद्यावधिक मौसमी सूचनाको दैनिक रुपमा जानकारी लिन हुन अनुरोध गरेकाे छ ।