अर्थतन्त्र

सोमबार सुन र चाँदी कति मूल्यमा हुँदैछ काराेबार ?

• गाउँ सहर संवाददाता
• २४ जेठ सोमबार, २०७८ | ११:१७:०० मा प्रकाशित

काठमाडाैं । सोमबार सुन र चाँदी दुबैको भाउ घटेको छ । गत आइतबार केहि बढेको सुनको भाउ सोमबार तोलामा ३०० रुपैयाँले घटेको छ भने चाँदीको पनि तोलामा ५ रुपैयाँले घटेको छ ।

नेपाल सुनचाँदी व्यवसायी महासंघका अनुसार सोमबार छापावाला सुन प्रतितोला ९३ हजार ८०० रुपैयाँ र तेजाबी सुन प्रतितोला ९३ हजार ३०० रुपैयाँमा खरिद बिक्री भइरहेको छ ।

अघिल्लो दिन छापावाला सुन प्रतितोला ९४ हजार १०० र तेजाबी सुन प्रतितोला ९३ हजार ६०० रुपैयाँमा खरिद बिक्री भएको थियो ।

यस्तै चाँदी पनि तोलामा ५ रुपैयाँले घटेर प्रतितोला १ हजार ३५० रुपैयाँमा खरिद बिक्री भइरहेको छ। अघिल्लो दिन चाँदी प्रतितोला १ हजार ३५५ रुपैयाँमा खरिद बिक्री भएको थियो ।