गाउँ सहर

पूर्वसभामुखहरुकाे निचाेड : प्रतिनिधिसभा विघटन गर्नु अलोकतान्त्रिक कदम

काठमाडौं । प्रतिनिधिसभा विघटनबारे सभामुख अग्निप्रसाद सापकोटाले पूर्वसभामुखहरुसँग छलफल गरेका छन् ।

सरकारले दोश्रो पटक प्रतिनिधिसभा भंग गरेर मध्यावधि निर्वाचन घोषणा गरेपछि सभामुख सापकोटाले मंगलबार संसद भवन बानेश्वरमा पूर्व सभामुखहरूसँग परामर्श लिएका हुन् ।

छलफलमा पूर्वसभामुखहरु रामचन्द्र पौडेल, तारानाथ रानाभाट, ओनसरी घर्ती र कृष्णबहादुर महरा सहभागी भएका छन् । दुई जना पूर्वसभामुखहरु दमननाथ ढुंगाना र सुवास नेम्वाङले भने सभामुखको निम्तोलाई अस्वीकार गरेका छन् ।

प्रतिनिधिसभा विघटनबारे अन्य पूर्वसभामुखहरूले असंवैधानिक भनेर आलोचना गरिरहेका बेला नेम्वाङ भने बोलेका छैनन् । प्रधानमन्त्री केपी शर्मा ओलीका निकट रहेका नेम्वाङ पुस ५ गतेको विघटनमा पनि मौन रहेका थिए ।

छलफलका क्रममा उनीहरुले सर्वोच्च अदालतको आदेशको अवमूल्यन गर्दै दोश्रो पटक प्रतिनिधिसभा विघटन गर्नु अलोकतान्त्रिक कदम भएको बताएका छन् ।

 

गाउँ सहर संवाददाता