स्वास्थ्य

काेराेनाभाइरसका कारण थप १२९* जनाकाे मृत्यु, ८ हजार ८४८ ले गरे स्वास्थ्य लाभ

काठमाडाैँ । नेपालमा काेराेनाभाइरसका कारण थप १२९* जनाले ज्यान गुमाएका छन् । योसहित कुल मृतकको संख्या ६ हजार १५३ पुगेको छ । 

यो मृत्यु* नेपाली सेनाद्वारा विभिन्न मितिमा शव व्यवस्थापन गरेका समेत हुन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा दुबै विधिबाट २० हजार १०५ को परीक्षण गरिएकोमा ८ हजार ९८० नयाँ संक्रमित थपिएका छन् । योसहित कुल संक्रमितको संख्या ५ लाख ५ हजार ६४३ पुगेको छ ।

मन्त्रालयका अनुसार पछिल्लो २४ घण्टामा ८ हजार ८४८ जना निको भएका छन् । योसहित कुल निको हुनेको संख्या ३ लाख ८३ हजार ८६४ पुगेको छ । निको हुने दर ७५.८ प्रतिशत रहेको छ । अहिले देशका क्वारेन्टाइनमा रहनेको संख्या ८८६ रहेको छ ।

मन्त्रालयका अनुसार अहिले देशभरमा १ लाख १५ हजार ८०६ सक्रिय संक्रमित रहेका छन् । 

मन्त्रालयका अनुसार देशभरका अस्पतालहरुमा १ हजार ७३२ को आइसियूमा र ५२३ जनाको भेन्टिलेटरमा उपचार भइरहेको छ । उसका अनुसार अहिले होम आइसोलेशनमा रहनेको संख्या १ लाख ८ हजार १०३ र संस्थागत आइसोलेशनमा रहनेको संख्या ७ हजार ७०३ छ ।

पछिल्लो समय कोरोना कहर बढ्दै जाँदा कोरोनाको चेन ब्रेक गर्न धेरै स्थानहरुमा निषेधाज्ञा जारी गरिएको छ ।

पछिल्लो २४ घण्टाको तथ्याँकले पनि २० वर्षदेखि २९, ३० देखि ३९ वर्ष, ४० देखि ४९ र ५० देखि ५९ वर्ष समूहमा सबैभन्दा बढी संक्रमण देखिएको छ ।

देशभर आजसम्म २८ लाख ९७ हजार ५०३ को पिसिआर परीक्षण भइसकेको मन्त्रालयले बताएको छ ।

गाउँ सहर संवाददाता

तपाईँको मत