गाउँ सहर

स्वर्गद्वारी जिप दुर्घटनामा प्रशासकीय अधिकृत र चालकको मृत्यु

काठमाडाैं । प्युठानको स्वर्गद्वारी जाँदै गरेको जिप दुर्घटनामा मृत्यु भएका मध्ये एकजनाको परिचय खुलेको छ । बुधबार बिहान भएको दुर्घटनामा दुईजनाको घटनास्थलमै मृत्यु भएको थियो ।

मृत्यु हुनेमा जिल्ला प्रशासन कार्यालय गुल्मीका प्रशासकीय अधिकृत श्याम न्यौपाने र जिपका चालक रहेका प्रहरीले जनाएको छ । तर जिपका चालकको भने परिचय खुलिसकेको छैन ।

नयाँ वर्षको अवसरमा गुल्मीबाट धार्मिक तिर्थस्थल स्वर्गद्वारी जाँदै गरेको लु १ ज १६५५ नम्बरको जिप स्वर्गद्वारी रुमालेमा दुर्घटनामा परेको हो ।

सडकबाट डेढसय मिटर तल भीरमा जिप खसेको छ । दुर्घटनामा घाइते भएका चार जनाको अवस्था गम्भीर रहेको छ । उनीहरुलाई हेलिकप्टरमार्फत उद्धार गरी काठमाडौं ल्याउने तयारी भइरहेको छ ।

भीरमा जिप अड्केकोले उद्धारमा कठिनाई भइरहेको प्रहरी नायव उपरीक्षक सुनिल मल्लले बताए ।

गाउँ सहर संवाददाता

तपाईँको मत