स्वास्थ्य

काेराेना अपडेटः ३३७ जना थपिए, एकजनाकाे मृत्यु

• गाउँ सहर संवाददाता
• २८ चैत शनिबार, २०७७ | १६:२९:०० मा प्रकाशित

काठमाडाैं । मुलुकभर पछिल्लो २४ घण्टामा थप ३३७ जनामा कोरोनाभाइरस संक्रमण पुष्टि भएको छ ।

पछिल्लो समय संक्रमितको संख्या बढ्दै गएको छ । शुक्रबार २८८ जनामा संक्रमण पुष्टि भएको थियो । 

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३ हजार ५३२ जनाको पीसीआर परीक्षण गर्दा ३३७ जनामा संक्रमण पुष्टि भएको हो ।

एकजना संक्रमितको मृत्यु भएको छ भने १५१ जना निको भएको पनि मन्त्रालयले जनाएको छ । 

यससँगै देशभर कोरोना संक्रमितको संख्या २ लाख ७९ हजार ७२५ पुगेको छ भने निको हुनेको संख्या २ लाख ७३ हजार ८८६ पुगेको छ । यस्तै हालसम्म ३ हजार ३९ जनाको मृत्यु हुँदा सक्रिय संक्रमित २८ सय जना रहेका छन् ।