कला

कश्यपप्रसाद पौडेलद्वारा लिखित “डायनकी छोरी” लोकार्पण

काठमाडौँ । उद्यमी तथा लेखक कश्यपप्रसाद पौडेलद्वारा लिखित “डायनकी छोरी” कथा संग्रहको लोकार्पण गरिएको छ । शुक्रबार काठमाडौँमा वरिष्ठ पत्रकार तथा सीमाविद् भैरव रिसालको प्रमुख आतिथ्यमा उक्त कथा संग्रहको लोकार्पण गरिएको हो ।

लोकार्पण कार्यक्रमको सभापतित्व घोष्ट राइटिंग नेपालका कमल ढकालले गरेका थिए भने अन्य अतिथिहरुमा डा. तुलसी भट्टराई (साहित्यकार), तारानाथ दाहाल (पूर्व अध्यक्ष नेपाल पत्रकार महासंघ), नरेन्द्रराज पौड्याल (पूर्व प्रशासक), शान्तराम बिडारी (अध्यक्ष, नेपाल पत्रकार महासंघ काठमाडौँ शाखा), महेश पौड्याल (नेपाल पत्रकार महासंघ काभ्रे पूर्व अध्यक्ष), सुनिल कुमार चालिसे (महासचिव फोरम फर हेल्थ एण्ड टेक्निकल), जीवनलाल शर्मा (नागरिक समाज), दिपकप्रसाद पौड्याल (पौड्याल वंश महासंघका उपाध्यक्ष) र बद्रीप्रसाद खतिवडा (पूर्व सांसद) रहेका थिए ।

कार्यक्रममा वक्ताहरुले लेखकलाई कथा संग्रह प्रकाशन र निरन्तरताको शुभकामना दिएका थिए ।

सिमल बुक पब्लिकेशन्सले प्रकाशन गरेकाे कथा संग्रहमा २१ फरक क्षेत्रका कथा समेटिएका छन् । पुस्तककाे मूल्य ३५० रूपैयाँ रहेकाे छ ।

गाउँ सहर संवाददाता