सेवा

जनताको हितमा काम गरेर देखाउने डिएसपी मरासिनीको प्रतिवद्धता

• गाउँ सहर संवाददाता
• ५ माघ सोमबार, २०७७ | २०:५९:०० मा प्रकाशित

लेखनाथ । ईलाका प्रहरी कार्यालय हंसपुर मुकाम डाडाँकोनाकमा सरुवा भई आएका प्रहरी नायव उपरीक्षक महेन्द्रप्रसाद मरासिनीले जनताको हितमा काम गरेर देखाउने प्रतिवद्धता व्यक्त गरेका छन् ।

प्रहरी कार्यालय हेडक्वाटरबाट डाडाँकोनाक प्रहरी कार्यालयको जिम्मेवारी समाल्न आएका प्रहरी नायव उपरिक्षक मरासिनीले लेखनाथका संचारकर्मीहरुको भेटमा शान्ति सुरक्षा कायम राखी समाज सुधारका सवालमा कुनै कसर बाँकी नराख्ने तथा नीति, नियमलाई आत्मसाथ गर्दै सवैको साथ र सहयोगले कानुनी राजमा लागिरहने बताएका हुन् ।

पोखरा प्रवेशको मुख्य ठाउँ लेखनाथ शान्ति सुरक्षाका सवालमा अति सम्वेदनशील भएकाले लागुऔषध नियन्त्रणदेखि अबाञ्छनीय क्रियाकलाप गर्नेहरुलाई नियन्त्रणमा लिई निस्तेज पार्ने उनले बताए ।

प्रहरी प्रशासनलाई आर्थिक प्रलोभनदेखि राजनैतिक आस्थाका आधारमा कानुन र नियमलाई मिचेर कमजोर बनाउने र दवाव सृजना गर्नेहरुदेखि टाडै रहने बताउँदै डिएसपी मरासिनीले जनताको हितमा काम गरेर देखाउने प्रतिवद्धता समेत जनाएका छन् ।