सार्वजनिक यातायात चढ्ने सर्वसाधारणलाई यातायात व्यवस्था विभागकाे यस्ताे आग्रह
- गाउँ सहर संवाददाता
- ७ असोज बुधबार, २०७७ | १४:४६:०० मा प्रकाशित
काठमाडौं । यातायात व्यवस्था विभागले सार्वजनिक यातायातमा आवश्यक परे मात्र प्रयोग गर्न सर्वसाधारणलाई आग्रह गरेको छ ।
बुधबार एक सूचना जारी गर्दै विभागले गत असोज १ गतेदेखि सबै खाले लामा तथा छोटा दुरीका सार्वजनिक यातायात सञ्चालनमा आएपनि अत्यावश्यक बाहेक यात्रा नगर्न सर्वसाधारणलाई आग्रह गरेको हो ।
सार्वजनिक यातायातमा कोभिड–१९ को संक्रमणको जोखिम उच्च रहेको भन्दै विभागले सकेसम्म सार्वजनिक यातायात प्रयोग नै नगर्न र गर्नै पर्ने भएपनि सुरक्षित रहेर मास्क, सेनिटाइजर प्रयोग गरेर मात्र यात्र गर्न भनेको छ ।
साथै, लामो दूरीको यात्रामा खाजा, नास्ता आफ्नै घरबाटै प्याकिङ्ग गरेर हिँड्न समेत विभागले सर्वसाधारणलाई आग्रह गरेको छ ।
सार्वजनिक होटल तथा खाजा घरहरुमा भिडभाड हुने र संक्रमणको जोखिम उच्च रहने भन्दै विभागले यस्तो निर्देशन गरेको हो । खाजा, नास्ता खुवाउने होटल तथा रेष्टुरेन्टहरुलाई सुरक्षित रहि स्वस्थ खाना नास्ताको प्याकिङ्गको व्यवस्था गरिदिन समेत विभागले आग्रह गरेको छ ।
काठमाडौं उपत्यकामा जोर-बिजोर प्रणालीमा सार्वजनिक यातायात खुले पनि मापदण्ड पूरा नहुँदा सार्वजनिक यातायातमा सवारी गर्नेहरुमा कोरोना संक्रमणको जोखिम बढेको हो ।
उपत्यकामा जोर-बिजोरमा सार्वजनिक सवारी सञ्चालन हुन दिने र एक सिटमा एकजना मात्रै बस्न पाउने नियमको व्यावसायीले पालना गरेको देखिँदैन । यसको प्रभावकारी अनुगमन हुन नसक्दा कोरोना संक्रमण बढ्दै गएको विज्ञहरूकाे भनाइ छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- संसदमा झडप (लाइभ)
- यस्ता छन् मन्त्रिपरिषद् बैठकका मुख्य निर्णय
- शेरबजार : नेप्सेमा ४ अर्ब २३ करोडको कारोबार
- गिरीबन्धु टि-स्टेट प्रकरणमा देउवा-ओली आमने सामने
- संसद बैठक चार बजे
- कुनैपनि राजनीतिक दलको धम्कीमा हामी डराउँदैनौँ - डा. शेखर काेइराला
- सफाइ पाएसँगै सन्दीपको निलम्बन फुकुवा, विश्वकप खेल्न पठाउने तयारी
- सन्दीप लामिछानेकाे जिल्ला अदालतको फैसला उच्चले उल्टायो, पाए सफाइ
- यस्ताे छ प्रतिनिधिसभा बैठकका सम्भावित कार्यसूची
- गफै त हाे : पाँच वर्षभित्र नेपालीको प्रतिव्यक्ति आय २३५१ अमेरिकी डलर पुर्याइने
प्रतिकृया दिनुहोस