खेल
नयाँ राष्ट्रिय कीर्तिमानसहित पाैडी खेलमा गौरिका सिंहले दोस्रो स्वर्ण जितिन्
- २० मङ्सिर शुक्रबार, २०७६ | १७:५८:०० मा प्रकाशित
काठमाडौं । १३ औं दक्षिण एसियाली खेलकुद (साग) प्रतियोगिताकाे पाैडी खेलमा गौरिका सिंहले दोस्रो स्वर्ण जितेकी छन् ।
शुक्रबार २०० मिटर ब्याकस्ट्रोकमा उनले स्वर्ण जितेकी हुन् । उनले निर्धारित दुरी २ मिनेट १७.७३ सेकेण्डमा पूरा गरिन् । यससँगै उनले नयाँ राष्ट्रिय कीर्तिमानसहित स्वर्ण जितेकी छन् ।
यसअघि शुक्रबार नै हिट चरणमा २ मिनेट ३४.१६ सेकेण्डको नयाँ राष्ट्रिय कीर्तिमान बनाएकी थिइन् ।
त्यसअघिको रेकर्ड पनि उनकै नाममा थियो । नेपालगञ्जमा भएको आठौं राष्ट्रिय खेलकुदमा उनले २ मिनेट ४१.२५ सेकेण्डको राष्ट्रिय कीर्तिमान बनाएकी थिइन् ।
यो स्पर्धामा भारतीय खेलाडीले रजत र श्रीलंकन खेलाडीले कास्य पदक जिते ।
प्राप्त प्रतिक्रिया
तपाईँको मत
प्रतिकृया दिनुहोस