अर्थतन्त्र

२६ अंकले बढेको नेप्सेका कति भयाे कारोबार

• गाउँ सहर संवाददाता
• १५ असार आइतबार, २०८२ | १६:२८:०० मा प्रकाशित

काठमाडौं । साताको पहिलो कारोबारमा सेयर बजार परिसूचक २६ अंकले बढेको छ । आइतबार २६.५३ अंकले बढेर २,६२२.२८ विन्दुमा कायम भएको हो ।

आज १८५ कम्पनीको सेयरमूल्य बढेको छ । यस्तै, ६३ कम्पनीको सेयरमूल्य घटेको छ ।

नेपाल स्टक एक्सचेन्ज (नेप्से)ले सात अर्ब १२ करोड १७ लाख ३६ हजार ११४ रुपैयाँ बराबरको सेयर खरिदबिक्री भएको जनाएको छ । एक करोड ६६ लाख ४३ हजार ११४ कित्ता सेयर ७४ हजार ७५२ पटकमा खरिदबिक्री भएको छ ।

सप्तकोसी विकास बैंक, विन्ध्यवासिनी हाइड्रोपावर, माच्छापुच्छ्रे डिबेन्चर, ग्रिन भेन्चर, त्रिशूली जलविद्युत्‌लगायत कम्पनी उच्च कमाउने शीर्ष पाँचमा परे । सप्तकोसीको सेयरमूल्यमा सकारात्मक सर्किट ब्रेक लाग्यो ।

जोशी हाइड्रो, युनिलिभर नेपाल, पञ्चकन्या माई हाइड्रो, पियोर इनर्जी, बुटवल पावर कम्पनी उच्च गुमाउने शीर्ष स्थानमा रहे ।

समूहगत सूचकतर्फ म्यानुफ्याक्चरिङ एन्ड प्रोसेसिङबाहेक बाँकी समूहको सूचक बढेको छ ।