‘कुरा ठूला, काम छैन’ - नौ महिनामा २९ प्रतिशत मात्र विकास खर्च
- गाउँ सहर संवाददाता
- १ बैशाख सोमबार, २०८२ | १४:३०:०० मा प्रकाशित

काठमाडौँ । हामी कुरामात्र ठूला गर्छाैँ भन्ने याे पछिल्लाे खर्चले देखाउँछ किनकी चालु आर्थिक वर्ष २०८१/८२ को तेस्रो त्रैमासिक अवधिसम्ममा विकास खर्च २९ प्रतिशतमा खुम्चिएको छ । महालेखा नियन्त्रक कार्यालयको तथ्यांकअनुसार चैत मसान्तसम्म कुल पुँजीगत खर्च मात्र २९.२ प्रतिशतमा सीमित छ ।
सरकारले चालु वर्षका लागि पुँजीगत खर्चतर्फ रु ३ खर्ब ५२ अर्ब ३५ करोड ४० लाख विनियोजन गरेकामा चैत ३० गतेसम्म खर्च भएको रकम एक खर्ब दुई अर्ब ९० करोड मात्रै हो ।
विकास खर्च मात्रै होइन, समग्र बजेट कार्यान्वयनमै कमजोरी देखिएको छ । १८ खर्ब ६० अर्ब ३० करोड ३० लाखको कुल बजेटमध्ये चैत मसान्तसम्म जम्मा ५३.६७ प्रतिशत अर्थात् ९ खर्ब ९८ अर्ब ५० करोड रुपैयाँ मात्रै खर्च भएको छ ।
चालु शीर्षकमा विनियोजित ११ खर्ब ४० अर्ब ६६ करोडमध्ये ५९.४५ प्रतिशत अर्थात् ६ खर्ब ७८ अर्ब ६ करोड खर्च भएको छ भने वित्तीय व्यवस्थातर्फको खर्च ५९.२३ प्रतिशतमा सीमित छ ।
अर्कोतर्फ, राजस्व संकलन पनि लक्ष्यभन्दा निकै पछाडि छ । सरकारले राखेको १४ खर्ब १९ अर्ब ३० करोड राजस्व संकलन लक्ष्यमध्ये हालसम्म जम्मा ८ खर्ब २१ अर्ब ६७ करोड (५७.८९ प्रतिशत) मात्रै संकलन भएको छ ।
त्यस्तै, चालु वर्षमा रु ५२ अर्ब ३२ करोड ६५ लाख वैदेशिक अनुदान उठाउने लक्ष्यमा पनि निराशाजनक प्रगति देखिएको छ । हालसम्म जम्मा १४ अर्ब २६ करोड ८८ लाख, अर्थात् २७.२७ प्रतिशत मात्र अनुदान संकलन भएको छ ।

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- संसदमा नीति तथा कार्यक्रममाथि छलफल सकिँदै (लाइभ)
- नीति तथा कार्यक्रममाथिको छलफल आज अन्तिम दिन
- भारत-पाकिस्तान तनावबारे नेपालकाे यस्ताे छ आधिकारिक धारणा
- दिनभर उतारचढाबपूर्ण रहेको शेयर बजार दोहोरो अंकले घटेर बन्द
- राजावादीले राजसंस्था पुन:स्थापनाका लागि जेठ १५ गतेबाट अनिश्चितकालीन जनआन्दोलन
- नीति तथा कार्यक्रममा संसदमा छलफल जारी (लाइभ)
- दिलिप पौडेलको कथासंग्रह ब्लफर्स डायरीको लोकार्पण
- सदनमा नीति तथा कार्यक्रममाथि छलफल जारी (लाइभ)
- भारत पाक तनावबारे चीनको प्रतिक्रिया-सैन्य कारबाही खेदजनक
- नीति तथा कार्यक्रममाथि आज पनि छलफल हुँदै
प्रतिकृया दिनुहोस