राजनीति

स्वर्णिम वाग्लेलाई कारबाही गर्न मुकुल ढकालकाे माग

• गाउँ सहर संवाददाता
• २३ चैत शनिबार, २०८१ | १९:२७:०० मा प्रकाशित

काठमाडाैँ। राष्ट्रिय स्वतन्त्र पार्टी (रास्वपा) का संस्थापक महामन्त्री (हाल निलम्बित) डा. मुकुल ढकालले पार्टी उपसभापति तथा सांसद डा. स्वर्णिम वाग्लेलाई कारबाही गर्न माग गरेका छन्।

'देशको सार्वभौमिकतामा बारम्बार प्रहार गर्ने स्वर्णिम वाग्लेलाई कारबाही गरियोस्,' ढकालले फेसबूकमा लेखेका छन्।

अगाडि उनी लेख्छन्- देशभित्रका कुरा देशमै सेटल गर्छौँ, त्यसको लागि लड्छौँ भन्नुको साटो अन्तर्राष्ट्रियकरण गर्छौँ रे। सिधा स्पष्ट भाषामा देशलाई औपनिवेशिकरण गर्ने कुरा गरेका छन्। जत्रो ठूलो समस्या होस्, नेपालको समस्या नेपालीले मिलाउने हो, नेपालीले समाधान गर्ने हो।

वाग्ले र ढकालबीच पहिल्यैदेखि राम्रो सम्बन्ध छैन। पहिले एउटै पार्टीमा उपसभापति र महामन्त्रीको हैसियतमा काम गरे पनि गत असारयता उनीहरूबीच तिक्तता छ।