राजनीति

एमालेले भीम रावललाई पार्टीबाट हटायो, पाण्डे र तिमल्सेनालाई ६ महिना निलम्बन

• गाउँ सहर संवाददाता
• १० पौष बुधबार, २०८१ | १८:३५:०० मा प्रकाशित

काठमाडौं । नेकपा (एमाले) ले भीम रावललाई संगठित सदस्यबाट हटाएको छ । आज बसेको सचिवालय बैठकले पूर्वउपाध्यक्ष भीम रावललाई साधरण सदस्यबाट हटाउने निर्णय गरेको छ ।

त्यसैगरि स्थायी कमिटी सदस्य डा. विन्दा पाण्डे र केन्द्रीय सदस्य उषाकिरण तिमल्सेनालाई ६ महिना जिम्मेवारीबाट हटाएको छ ।

पार्टी कार्यालय बनाउन दान लिएको विषयमा आलोचनात्मक धारणा राखेका तीनै नेताहरूलाई एमालेले जिम्मेवारी खोसेको हाे ।

उनीहरूले चित्तबुझ्दो स्पष्टीकरण नदिएको भन्दै बुधबार बसेको सचिवालय बैठकले जिम्मेवारी खोस्ने निर्णय गरेको उपमहासचिव प्रदीप ज्ञवालीले जानकारी दिए।