गाउँ सहर

सिटिजन एनुअल विजनेस रिट्रट पोखरामा सम्पन्न

• गाउँ सहर संवाददाता
• १९ मङ्सिर बुधबार, २०८१ | २०:१७:०० मा प्रकाशित

काठमाडौँ । सिटिजन लाइफ इन्स्योरेन्सद्वारा सञ्चालित सिटिजन एनुअल विजनेस रिट्रट पोखरामा सम्पन्न भएको छ । कम्पनीले पोखरामा आवासिय रुपमा तीन दिन सञ्चालन गरेको जनाएको छ ।

कार्यक्रममा देशभरिबाट २५० जनाको सहभागिता रहेको थियो । सिटिजन लाइफले आफ्नो कर्मचारी र अभिकतर्ताका लागि विभिन्न सीप विकास कक्षा नियमित समयमा गर्दै आएको जनाएको छ । पोखरामा सञ्चालन गरिएको कार्यक्रम पनि त्यसैको निरन्तरता भएको कम्पनीको भनाइ छ ।

कम्पनीका प्रशिक्षक विजयकुमार झाले सिटिजन लिडर्सहरुको क्षमता तथा आत्मविश्वास अभिवृद्धिलाई मध्यनजर गर्दै; बिक्री कला विकास, व्यक्तित्व विकास, सञ्चार, पेशाप्रति आत्मविश्वास, व्यक्तिगत प्रस्तुति लगायत विषमा जानकारी दिए ।

देशका विभिन्न क्षेत्रबाट सहभागिता जनाएका सिटिजन लिडर्सहरुले विविधतामा एकताको भावनालाई झल्काउँदै आफ्ना संस्कृतिक पोशाक तथा मौलिक संस्कृतिमा नाचगान गरेर कार्यक्रमलाई उत्कृष्ट बनाएका थिए । कार्यक्रममा सिटिजन अर्निङ पोइन्टको उद्घाटन गरिएको थियो ।