सडक/यातायात

कालीकाेटमा जिप दुर्घटना हुँदा मृत्यु भएका ६ जनाकै सनाखत

• गाउँ सहर संवाददाता
• २५ कार्तिक आइतबार, २०८१ | २२:०१:०० मा प्रकाशित

कालीकोट । जिल्लाको पलाता गाउँपालिका जिप दुर्घटना हुँदा मृत्यु भएका ६ जनाको सनाखत भएको छ ।

दुर्घटनामा पलाता गाउँपालिका वडा नम्बर ५ का ५१ वर्षीय पदमबहादुर बम, ३० वर्षीया छाया शाही, वडा नम्बर ६ का ५९ वर्षीया दसकला शाही, २५ वर्षीया भगवती रोकाया, ६० वर्षीय गणेश शाही र पलाता वडा नम्बर ३ का ६ वर्षीय बालक दमन रोकायाको मृत्यु भएको हो ।

खिनदेखि थिर्पुसम्म आउँदै गरेको क १ ज ५६ नम्बरको जिप आइतबार दिउँसो दुर्घटना भएको हो । दुर्घटनामा १३ जना गम्भीर घाइते भएका छन् । घाइतेको नेपाली सेनाको हेलिकप्टरमार्फत् प्रदेश अस्पताल सुर्खेतमा उद्धार गरी उपचार सुरु भएको प्रहरी नायब निरीक्षक टेकबहादुर रावतले जानकारी दिए ।

गाडी सडकदेखि दुई सय सय मिटर तल खसेको थियाे ।