अर्थतन्त्र

समता घरेलु लघुवित्त वित्तीय संस्था लिमिटेडकाे आजदेखि एफपीओ खुला, छिटाेमा कार्तिक २० सम्म रहने

• गाउँ सहर संवाददाता
• १२ कार्तिक सोमबार, २०८१ | १४:२०:०० मा प्रकाशित

काठमाडौँ । समता घरेलु लघुवित्त वित्तीय संस्था लिमिटेडले आजदेखि एफपीओ निष्कासन गरेको छ । कम्पनीले प्रतिकित्ता १०० रुपैयाँ अंकित मूल्यमा ३ लाख ५० हजार ९०४ दशमलव २५ कित्ता एफपीओ विक्री गर्न लागेको हो । नेपाल धितोपत्र बोर्डले कम्पनीलाई एफपीओ विक्री गर्न गत असोज २९ गते अनुमति दिएको हो ।

समता घरेलु लघुवित्त वित्तीय संस्था लिमिटेडले साविकको मनकामना स्मार्ट लघुवित्त वित्तीय संस्था लिमिटेडलाई प्राप्ति गरी बनेको संस्थाको प्रबन्धपत्रमा भएको व्यवस्था बमोजिम पूँजी संरचना कायम हुने गरी एफपीओ विक्री गर्न लागेको हो । कम्पनीका अनुसार संस्थापक तर्फ ६९ दशमलव ४८ प्रतिशत र सर्वसाधारणतर्फ ३० दशमलव ५२ प्रतिशत शेयर संरचना कायम हुने गरी अपुग रकम ३ करोड ५० लाख ९० हजार ४२५ रुपैयाँ बराबरको एफपीओ विक्री गर्न लागिएको हो ।

यो एफपीओ छिटो अवधि कार्तिक २० गतेसम्म विक्रीमा रहनेछ । सो अवधिभित्र माग बमोजिम आवेदन नपरेमा भने ढिलो अवधि कात्तिक २६ गतेसम्मको मिति तय गरिएको छ ।