खाद्य व्यवस्था तथा व्यापार कम्पनीद्वारा आजदेखि खसीबोका बिक्री खुला
- गाउँ सहर संवाददाता
- २० असोज आइतबार, २०८१ | ०८:५२:०० मा प्रकाशित
काठमाडौं । खाद्य व्यवस्था तथा व्यापार कम्पनी लिमिटेडले आइतबारदेखि खसीबोका र च्याङ्ग्राको बिक्री खुला गरेको छ । कम्पनीले प्रतिकेजी खसीबोकाको ६७० रुपियाँ मूल्य निर्धारण गरी १० रुपियाँ छुट दिएर प्रतिकेजी ६६० रुपियाँ बिक्री खुला गरेको हो । यस्तै च्याङ्ग्रा प्रतिकेजी एक हजार २३० रुपियाँ मूल्य निर्धारण गरी १० रुपियाँ छुट दिएर एक हजार २२० रुपियाँ बिक्री खुला गरिएको कम्पनीले जनाएको छ ।
कम्पनीका सूचना अधिकारी शर्मिला न्यौपानेले शनिबारसम्म २०८ खसीबोका र तीन सय च्याङ्ग्रा भित्रिसकेको जानकारी दिए । हेटौँडाबाट पहिलो लटमा २०८ खसीबोका आइपुगेको र बाँकी बाटोमा आउने तयारीमा रहेको उनले जानकारी दिए। च्याङ्ग्रा भने मुस्ताङबाट ल्याएको छ । चाडपर्वमा उपभोक्तालाई सुपथ मूल्यमा बिक्री गर्न प्रत्येक वर्ष कम्पनीले खसीबोका र च्याङ्ग्रा खरिद गरेर बिक्री गर्ने गर्छ । यसपालि दसैँमा कम्पनीले एक हजार एक सय खसीबोका र तीन सय च्याङ्ग्रा ल्याउने योजना बनाएको छ ।
निजी व्यवसायीले भने घटस्थापनाको दिनदेखि खसीबोका ल्याएर बिक्री सुरु गरिसकेका छन् । दसैँमा ठुलो सङ्ख्यामा खसीबोकाको खपत हुने हुँदा व्यवसायीले विभिन्न जिल्लाबाट खसीबोका खरिद गरी उपत्यकामा ल्याएर बिक्री गर्ने गर्छन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- अध्यक्ष चन्द्रप्रसाद ढकाललाई पश्चिमाञ्चल विकास मञ्चकाे सम्मान
- बाढीपहिरोमा परी मृत्यु हुनेको संख्या २४४ पुग्यो
- नवरात्रको चौथो दिन : कुष्माण्डाको पूजाआराधना गरिँदै
- सिटिजन लाइफद्वारा घातक रोग बापतको बीमा दाबी रकम भुक्तानी
- यी जिल्लाका स्थानीय तह विपद् संकटग्रस्त घोषित, त्यसाे गर्दा के हुन्छ त ?
- नवरात्रको तेस्रो दिन आज चन्द्रघण्टा देवीको पूजाआराधना गरिंदै
- काभ्रेका बाढी प्रभावित ३ स्थानीय तहलाई काठमाडौं महानगरकाे २०/२० लाख रुपैयाँ सहयोग
- धितोपत्र बोर्डको अध्यक्षको अन्तर्वार्ता स्थगित
- मन्थली–खुर्कोट जोड्ने सुनकोशीमा बेलिब्रिज बनाउन राज्यमन्त्री तामाङ सक्रिय
- ग्लोबल आइएमई बैंकका ग्राहकले मणिपाल अस्पतालमा उपचारमा पाउनेछन् यस्ता छुट
प्रतिकृया दिनुहोस